SADEONG 106
106
Namondokan ko Temeneno doi Namian
1 #
1Tund. 16:34; 2Tund. 5:13, 7:3; Ezr. 3:11; Sad. 100:5, 107:1, 118:1, 136:1; Yer. 33:11 Ponggaalekai ko Temeneno!
Basukuurkai doi Temeneno, sabab Yana monondok;
Kona maasi tataap sidutu-posidutukon tukon akiyo Kona pupusan.
2Indee komo moola babilitakene ko Temeneno nabarania,
tukon mebee nggalano molayak doiyana?
3Kinatauwankai komian motaatiyo Konaparenta-parenta
tukon sidutu benar doi natindakan lalomo.
4Nonookakukai, oh Temeneno, demi Mumonondokan doi Muumat
tulungiyakukai koidan kalu Ikoo salamatene yanila.
5Boliisi kukitayo konasanaangan konatuboan Komu mian linilik
tukon lalaba tuuno posinggat Komu mian.
Boliisi kubabanggaal tukon laba tuuno
posinggat komian motealimo koo-Mu.
6Kami baladosamo pokakana komai mbumbu;
kami mokubaimo lokis tukon akimo mai taat doi Temeneno.
7 #
Tob. 14:10-12
Doi tempo komai mbumbu nadaanoan doi Mesir aki napo mangalati;
Komulimang mominasaindinggon aki napo pahamiyo.
Yanila toliminggenemo Komumaasi molobi-lobian,
tukon doi naloolania, ko Tobun Gelagah
yanila nggimoliiyo komo Babasal Konakuasa.
8Bai ko Temeneno salamatene yanila
tukon butongo susuungo;
sulano Konabaranian nateali totoy.
9 #
Tob. 14:21-31
Luwedoi Naparenta ko Tobun Gelagah teali motuul,
Yana babayo Kona mian loloiyo ko tobun,
pokakana mololoiyo kopadang lalomo.
10Tukon buno doiya yanila sinalamatono luwedoi napo lawan limano,
yanila Inopulut luwedoi musuh nakuasa.
11Bai kopaisu otumbule konapo lawan;
akiyokai komeeng komian mototinggal.
12 #
Tob. 15:1-21
Maka Kona mian aggayomo Kona perjanjian
tukon manyanyikene konggaalano doiya-Na.
13Bai mosobit konapo tolimingganano ko Temeneno nakokubai
tukon yanila mokokubai tindakan aki napo makabi otunggul.
14 #
Bang. 11:4-34
Doi padang lalomo konoanoila dinorong,
tukon sobaiyo ko Mian Bisa.
15Yana beekene oila konapo kinabi,
bai koidan kosesel mobaladanggit lubotiiyo yanila.
16 #
Bang. 16:1-35
Doi padang lalomodoo masakit konoanoila doi Musa
tukon doi Harun Napeleleani momoliyous.
17Maka kodunia tabata tukon lemese Datan,
atombulee Abiran tukon kona kaluarga.
18Koaung bulus lalakene konapo kolompok,
okopule sasaibino komo akimo nataat doi Temeneno.
19 #
Tob. 32:1-14
Doi Sinai Bunggulo yanila kubaiyo kosapi pauno luwedoi mosoni,
tukon yanila sosubaiyo dosapidoo pauno moluwedoi mosoni.
20Yanila soboliyo ko Mian Bisa mobabasal
tukon sapi pakaan bulung.
21Yanila tomilinggenemo ko Mian Bisa mosalamatene yanila
molapamo lakukanggene kolangge-langge mobabasal doi Mesir.
22Tutuu lokis Kona kokubai-kokubai doi tanodoo,
doi Tobun Gelagah minasanindinggon konatindakan.
23Maka ko Mian Bisa batetel moakateyo kabus Konamian,
Musa donamian linilik, aki Napataikene.
Musa teali napo pangantara,
tobikon doiya ko Mian Bisa nanggimalan teali tade.
24 #
Bang. 14:1-35
Doibundu yanila tolake dotanodoo momonondok,
sabab akimo napo anggayo ko Mian Bisa Naperjanjian.
25Yanila bantil-bantil nggimal doi napo sandung lalomo
tukon aki napo yase lengele ko Temeneno alalo.
26Maka Yana berjanji tukon totopi
naikon akateyo yanila doi padang gurun.
27 #
Basam. 26:33
Konapo katurunan naikon sinakukon doi sasaibino kobangsa-bangsa
tukon pinobabandakon doi tano-tano bailon.
28 #
Bang. 25:1-13
Salataa yanila daanomo doi Peol yanila sombaiyomo ko Pilagat,
tukon makaano sosubakon motuuk doi ila-ila.
29Dokokubaidoo olubatene ko Temeneno nanggimalan,
tobikon doiya yanila linubotii sesel modanggit minatakuton tuuno.
30Bai Pinehas mokubai tindakan hukume komosala,
maka tademokai doseseloo mopaladanggit.
31Donakokubaidoo inakuai meeng kojasa doiyana,
tukon tinanda sidutu-posidutukon.
32 #
Bang. 20:2-13
Doi Meriba bubung-bubungo yanila tealikene ko Temeneno nggimal,
tukon donapo kokubaidoo tealikene susa Musa noano.
33Yanila kubaiyo konoano aki nasanaang,
tobikon doiya nabasilingan akimo nabapikir.
34 #
Tan. 2:1-3, 3:5-6 Kobangsa-bangsa bailon aki napo akateyo kabus,
pokakanamo ko Temeneno napinarentakon.
35Yanila tongo posombuli tukon dobangsa-bangsadoo,
tukon moloingikon komian moaki natingoniyo ko Mian Bisa nakokubai kokubai.
36Maka yanila sosubaiyo kopilogot-pilogot,
tobikon doiya teali sabab luwedoi napo tuwongan doi dosa lalomo.
37 #
2Tom. 17:17
Yanila tealikene silaka konapo laulabuk
doi Kanaan miano napilogot-pilogot.
38 #
Bang. 35:33
Yanila opuute komian mookiyo kona sala sauno,
napo pau-pau susunggu sauno
tuuk teali sosuba doi pilogot-pilogot;
tobikon doiya dotanodoo yanila kulokisanggenemo.
39Sabab donapo kokubai-kokubaidoo yanila teali lokis,
tukon akimo nataatiyo ko Mian Bisa.
40 #
Tan. 2:14-18
Maka ko Temeneno nanggimalan kolot tuuk doiyanila,
Yana usok tukon namian linilik susungo.
41Maka yanila sinalaakanggono doi bangsa-bangsa.
Yana batadikenemo napo kinuasai musu.
42Maka konapo musu-musu lailainggemo yanila,
tukon yanila kinuasaimo.
43Moimoiya luungon ko Temeneno naolupute yanila,
bai yanila tongo nggimal momeenggon,
tobikon doiya yanila mate kabus doi napo dosa-dosa lalomo.
44Bai ko Temeneno lengele konapo nggeleamonan,
yana perhatikanggene konapo susaan.
45Sabab yanila yana neneeke kona palaandandian
tukon namaasi babasal yana seseange yanila.
46Yana kubaiyo napo sineseang
luwedoi sasaibino komian motaane yanila.
47 #
1Tund. 16:35-36
Oh Temeneno komai Mian Bisa, salamatene kami,
pototongikanggamimokai luwedoi bangsa-bangsa,
sulano mai basukuur
tukon ponggaalekai Kosambuno momoliyous.
48Ponggaalekai ko Temeneno, Israel miano na Mian Bisa,
diabudodo tukon sidutu-posidutukon.
Batadikenemokai sasaibino komian nabantile, “Amin!”
Ponggaalekai ko Temeneno!
Currently Selected:
SADEONG 106: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
