ANDEAN 7
7
1Neneekekai, daku bantilan-bantilan, kupau, tukon inai motoliminggene naikon oila daku pinalentakon doi koo. 2Loingiyokai daku otinau-otinau sulano ikoo tubo monondok. Loingiyokai daku otunggul-otunggul mono-monondok bunokai ikoo dagaiyo komatamu batuno susungo. 3Neneekekai sidutu naikon daku otunggul-otunggul doo, tukon abesemokai doi mupalasaan noamu lalomo. 4Anggapemo kopandoian salaku utusomu tukon montoian salaku musobat tuuno. 5Kopandoian naikon dedenggene ikoo luwe doi moluko monakal, luwe doi boine morayuwo tukon bantilan-bantilan momamis.
Moluko monakal
6Daano kooloyo meeng yaku kokondong mbalenge luwe doi kubonua dendelano. 7Maka yaku kitayo kotabo badaang modaanon molumbong bai tolongo daku pinalatikanggon meeng komian molongas doi antara yanila. 8-9Doi nakinobianan salataa tambunno kokalipookan, tabo doo ampa-ampakono lolani kololoon nasekuan motujuiyo komeeng kobone natampat dungolan. 10-12Boine doo boine moaki natataap dungol doi nabonua. Soisik-soisiken yana daano doi loloon bibilo, doi bundu doi lapangan kai kona kokondongan mototiili doi kasangan. Kotambongo barani tukon aki natoiyo komaa. Kukitayo yana sumbut tukon pakean balolowan, tukon pososuung doo tabodo tukon tetel molokis. 13Yana lebeke tabo doo tukon umayo. Akiyo kona maa-maa bantilokai yana, 14“Oloyo nia yaku sio beale daku niat, tukon tuuk doiyaku lapamo sosubakene daku sosubakon. 15Doi yamo kosababpo yaku sumbut tuuk unggoliyo ikoo, sulano ikoo kaan doi kubonua. Diabudodoo yaku posuung ikoo! 16Daku tampat moloan lapamo kualase tukon sepelei mobabunga-bunga luwe doi Mesir, 17tukon lapamo babangi wangi-wangian mur, cendana tukon kayu manis. 18Diabudodoo, maimo kita pokuade-pokuade tukon nikmatio koasmara doi popookia lalomo. 19Daku lakai akiyo doi bonua, yana daanon moampakon moddoon. 20Yana mababa doy badaang, tukon aki namule naikon doi lua nia kominggu lalomo.” 21Bunodoiya kai boine doo nalayuwano tabo doo tukon asi-asio motobolis tobikon yana salayo. 22Yana aki napikikene loingiyomo boinedoo buno saapi mobinaba doi tampat batembelan tukon buno mian motinaan tukon binaba sulano namatalima ukuman mosinadiakon tuuk mian molongas; 23soisiken koidan pana matano naikon tadul doinoano. Buno tomisi mobenga konatujuiyo doi talong, bunokai doiya tabo doo aki nasadaliyo kobutongo kanakon susah.
24Tobikon doiya labuk-labuk ndongoliyokai yaku. Palatikanggenekai daku otinau-otinau. 25Inai mosodiikene boinedoo bunodoiya mogangguwe konoamu; inai motaus unggoliyo yana, 26sabab yana lapamo manase badaang komala-malane natuboan. Aki tangait konakadaang komo silaka sabab yana. 27Taus doi nabonua koalatino mangala loloon mopalus motujuiyo komatean.
Currently Selected:
ANDEAN 7: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
