ANDEAN 8
8
Pandoiyan nabantilan
1 #
Ink. 3:14
Ndongoliyo! Kopikiran momamangan nanggele-nggeleamonan,
pandoiyan nabinggatano koalalo.
2Yana kokondong doibunggul-bunggul doi loloon bibilo,
tukon doi kasangan-kasangan.
3Doi tataapon babasal, doi loloon usokan doi kota,
idoomokai konaalalo longolan.
4“He, umat banggapi, doikoomo daku nggeleamonan;
samba kobanggapi doi dunia,
palatikanggenekai dakubantilan!
5Komuyu moakiyoon daano konapangalaman,
mongiyotunggukon modaano kona pikiran mamangan
komuyu molongas, mongiotunggukon teali toiyo.
6Palatikanggene daku bantilan-bantilan,
sabab sasaibino bisa tukon monggol.
7Daku bantilan bisa sasaibino,
sabab yaku misikitene kobakokoliian.
8Daku bantilan-bantilan sasaibino jujul
akiyo komeeng kai mosusah kai mosalah.
9Komian mopandoi, dakubantilan kana,
tuuk doi mian mopandoi
dakubantilan tapaat.
10Halagaiyokai daku otinau molobian kosalaka tuleng,
utamakenekai komotoiyan molobian komosoni tuleng.
11Yakumokai kopandoiyan,
molobian koanggano luwedoi mutiara;
akiyono kobandingano tukon oilamo komu inonok.
12Yakumokai kopandoian, doiyaku daamo kopangalatian,
kopandoiyan tukon montoiyan.
13Odotiio ko Temeneno koalatino
misikitene kokulokisan
yaku aki kuyase
kobabanggalan tukon nggaale kobutongo.
Yaku misikitene kokalakuan mokulokis
tukon bantilan-bantilan mobakokolii.
14Yakumokai komobeena potunjuk.
Tukon yakumo koidan mo okitakene.
Yaku pandoi tukon bukuankai
15Tomundo-tomundo naampakokene konaparenta yaku tombonio,
saibino komobalakuasa kutumbonio,
kenggele kokaadilan.
16Sabab daku kebaikan doi, sasaibino komo babasakene
tukon sasaibino motulunan tomundo
maparenta tukon
ampakonkene kokaadilan.
17Yaku seseange yanila moyase doiyaku;
mounggoliyo yaku naikon posunggene yaku.
18Doiyaku tasadia kokaasan
koidan nainolomatian tukon nakamakmulan.
19Komu ilaat luwedoi yaku lobian komosoni tuleng;
lobian koanggano luwedoi salaka tuleng.
20Yaku mololoi loloon kaadilan,
yaku laakon doiloloon najuyulan.
21Mian moseseange yaku, kutealikene kaasa
kukonoiyo konabonua tukon buat.
22 #
Ink. 3:14
Yaku Temeneno pasitakayo salaku tumbeno,
yakumokai Kona hasil tumbeno
nabalimangan tumbeno doi tempo lolukon.
23Yaku inoduk doi tempo tumbe-tumbeno,
doitumbe-tumbeno, kodunia akiyon napinasitaka.
24Yaku sinuung akiyon napinasitaka kondalangon babasal,
akiyon nasumbut kopaisu nalubatan.
25Yaku sinuung akiyon
kobungkuko-bungkuko nakinokondong,
akiyon kobunggul-bunggul nakinokondong.
26 Temeneno akiyon napasitakayo kodunia
tukon napadang-padang,
baanggokai akiyo Yana pasitakayo
kobuta patikuno tumbeno.
27Yaku sakisiyo salataa kotimbu tobukamo,
tukon dapang bininggakono doitobin bunggono,
28salataa Temeneno abesemo kobunom doi dapang,
tukon bukayo kondalangon naluwean,
29salataa Yana palentayo kotobun
sulano inai balisiyo kopangatan pangatango.
Yakukai tulut hadil inda,
sulataa Nabingkakanano kodunia pangalaso.
30Yaku daano doi Bibilo salaku napau sineseang,
samba kooloyo yakumokai komo menendekene;
sidutu yaku bala-balamaen doi Yana salaano.
31Yaku bala-balasanang doi Nadunia bunggono,
tukon lasayo monondok doi antara banggapi.
32Tobikondoya, ndongoliyokai yaku, he mian motabokon!
Loingiyomokai daku otunggul, maka ikoo naikom mutuboan monondok.
33Talimayomokai kootunggul tukon teali pandoi,
inaikai ikoo pandaentenge.
34Monondokkai mian mo ndongoliyo yaku
samba kooloyo osulang motitili doi kobunoa tataapono,
tukon bada-badagi doiku dungolan tataapono babasal.
35Inde mondongoliyo yaku, malaat tuboan,
doiyana Temeneno pokonoi.
36Inde komoaki laate yaku, olugio kobutongo susungo,
mian momisikitanaku kilakene komatean.”
Currently Selected:
ANDEAN 8: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
