ANDEAN 5
5
Poingotino kobaloloan
1Kupau, ndongoliyokai yaku! Palaatikanggenekai daku pandoiyan tukon kupangalatian kuinotunggulikon doi ikoo, 2sulano ikoo toiyo bulaando ikoo sio babayo kobutomu tukon basilingan salaku mian mo moanokonamotoian. 3Moluko monakal, kosuungo buno dokot namamisan tukon nabantilan-bantilan mobidukiyo konoano, 4bai kalukai tauso sasaibino, mototinggal tolongokai momosopot tukon sakisawan. 5Ikoo kinubut bulus doi dunia mian mate; loloon nailoloi konatujuiyo doi matean. 6Yana aki natataap doi loloon motujuiyo kotuboan; moaki natoyo yana liaso luwe doi loloon doo.
7Tobikon doiya, labuk-labuk, ndongoliyokai daku bantilan-bantilan tukon inaikai motoliminggene. 8Dedenggene koboine mo bunodoiya! Tukon inai mokolaniyo konabonua. 9Kalu ikoo balagaul tukon boinedoo ikoo naikon lapus komukahoromatan tukon muansaang naikon pinakisaa mokinubut doi tempo mutabokonan luwedoi mian moaki natingoniyo kopomamasikonan. 10Komukasaan naikon komian bailon kabus kaane, tukon muhasil pakadakan teali mian koona moaki mutingoniyo. 11Doibundu ikoo naikon basi-basilingan, kalukai kobutomu panakitono. 12Maka ikoo bantile, “Eh, bulaando yaku momisikitene kootinau? Bulaando moaki kuyase inanukon? 13Yaku aki kuyase mondongolii daku guru-guru tukon aki kuyase moturutiyo yanila. 14Toi-toiyo yaku tuwongo doi masarakat matano.”
15Tobikon doiya satiamokai doi muboloki susungo tukon bekenekai komu kilakanano doi yana tolong. 16Akiyo kotakoso doikoo mounggolii namonondodokan doi mian mobolikon muboloki. 17Namonondokan doo tolongo tuuk ikoo tukon muboloki aki natukon mian bailon. 18Tobikon doiya, siokai ikoo sanaang tukon muboloki susumu: unggoliyo konakasanangan doi boine molapamo ikoo koloiyo. 19Boine motambongan tukon mopandoi buno kijang. Sodiikene kobutongo natambonganan sidutu kubaiyo ikoo tindo-tindo tukon nababibianan ikoo malangukene. 20Oila kotakoso momemetene koboine bailon kupau? Oila kotakoso mobalagaul komoluko mopalalentel? 21Temeneno kitayo sasaibino kobanggapi nakinubai. Doi yaandokai kobanggapi natausan Temeneno komoawasio. 22Komian lokis nalalim bunokai talong motokoot mian doo susungo. 23Yana mate sabab aki namatalima otinau. Kona babanggalan babayo yana doi namanasan.
Currently Selected:
ANDEAN 5: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
