ANDEAN 3
3
Otinau tuuk mian tabokon
1Inaikai motoliminggene naikon oila komolapamo kuotunggulikene doikoo, kupau. Nenekekai sidutu daku parentah, 2sulano namoloas komuumur tukon mutuboan namonondokan. 3Siokai ikoo tataap mangangga tukon satia doi Mian Bisa tukon tula-tulamu. Neneekekai doiya tukon abesemo doinoamu lalomo, 4#Luk. 2:52 sulano musinananggon tukon Mian Bisa tukon banggapi naanggayo.
5Anggayomokai ko Temeneno tukon sasaibino konoamu, tukon inai kai mobalanggene komu pangalatian susuumu. 6Neneekekai ko Temeneno doi sasaibino kolobo ikoo molakukene, maka yana tudoikene doikoo cara tuboan momonondok. 7#Rm. 12:16 Inaikai moanggene kobutomu lobian pandoi luwedoi motutuu; anggayomokai ko Temeneno tukon dedenggenekai komo lokis. 8Mukakabai doo naikon teali buno pakuli doi koo moaline kobutomu tukon mokidendeke konoamu. 9Odotiiyokai ko Temeneno tukon mososubakon doi yana luwedoi sasaibino komu buat tukon mubuta hasilo momonondok, 10maka komu longgo-longgo naikon moonoh gandum, tukon muanggur paisuno naikon molobi-lobian tobikon aki nasukup kotampat bangabosan.
11 #
Ayb. 5:17
#Ibr. 12:5-6 Kalukai Temeneno anukene ikoo, kupau, talimayokai doiya salaku meeng kopoingotii, inai konoamu manasal doi Nadidikan doo. 12#Ink. 3:19 Temeneno manganuukon mian Nakinilakon, pokakana meeng kotama moanuukene konapau sineseang. 13Untungokai meeng komian moteali pandoi tukon malaat pangalatian. 14Konakauntungan badaang tuuno luwe doi moilaat luwedoi salaka, lobian koanggano doi mosoni. 15Kopandoian koanggano lobian luwedoi batu montontilan; sasaibino ikoo neneeke aki mulaate konapokakanaan. 16Kopandoian beekene doikoo koumur momoloas, kokaasan tukon hinolomati. 17Kopandoian kubaiyo komutuboan sanang tukon monondok. 18Komian momonggol konabatanian doi pandoian naikon toupiyo kotuboan motutuu tukon sanaang.
19Tukon pandoian, Temeneno pasitakayo kodunia:
tukon Napikiran doi Yana noano tetelengane kotimbu doi Natampat.
20Tukon Yana Na montoiyan kubaiyo kopaisu naluwe-luwean doi buta taikon doibilit mapasa tukon mololongo kopaisuno
tukon bunom doi timbu kundongikene kopaisu doi dunia.
21Sabab doiya bataniankai doi pandoian tukon potimbongikene mobisa; kupau! Inaimo sodiiyo, 22maka mutuboan naikon topiala – monondok tukon sanaang. 23Ikoo ampakon tukon aman tukon aki naikon natakait. 24Ikoo naikon tauso moolo aki murasayo matakut, tukon ikoo moolo tombosokon pomodoakon. 25Aki naparalu ikoo matakutene naikon kosilakaan mososinggot lubat buno mbeus, tukon kanakono ko mian-mian lokis. 26Temeneno naikon dagayo ikoo. Yana aki nasodiikene ikoo natongusokon doi kobo doo lalomo.
27Kalu daano komukamampuan tuuk kabaiyo monondok doi mian moparaluwo mumonondokan, inaikai motolayo tuuk molakukene langge doo. 28Inaikai mosumboliyo kotulamu totiili polong modowa, kalu doi tempo nia koidan ikoo moola tulungiyo. 29Inaimokai mobaniatene meeng kolobo molugikene kotulamu modungol pokolani ikoo tukon anggayomo ikoo. 30Inai podangani akiyo kona sabab tukon memeeng komian moaki nabiasa mokubai lokis doi koo. 31Inai mosikit doi mian mogunakanggene konamotikasan tukon inai motulutiyo yanila nakokubai. 32Sabab Temeneno misikitene komian momokubai lokis, bai yana pokonoi tukon momoloyos konatuboan. 33Temeneno kutuke komian lokis nabonua, bai balakaatio komian motaat doiyana nabonua. 34#Yak. 4:6; 1Ptr. 5:5 Temeneno misikitene komian mobatinggai bai balakaatio komian mopependeo konoano. 35Komian mopandoi naikon tosuungi babangi kosambuno, bainokai mian longas polokon sinosibolii.
Currently Selected:
ANDEAN 3: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
