Popular Bible Verses from ANDEAN 3

Share

Anggayomokai ko TEMENENO tukon sasaibino konoamu, tukon inai kai mobalanggene komu pangalatian susuumu. Neneekekai ko TEMENENO doi sasaibino kolobo ikoo molakukene, maka yana tudoikene doikoo cara tuboan momonondok.

Inaikai moanggene kobutomu lobian pandoi luwedoi motutuu; anggayomokai ko TEMENENO tukon dedenggenekai komo lokis.

Odotiiyokai ko TEMENENO tukon mososubakon doi yana luwedoi sasaibino komu buat tukon mubuta hasilo momonondok, maka komu longgo-longgo naikon moonoh gandum, tukon muanggur paisuno naikon molobi-lobian tobikon aki nasukup kotampat bangabosan.

Siokai ikoo tataap mangangga tukon satia doi Mian Bisa tukon tula-tulamu. Neneekekai doiya tukon abesemo doinoamu lalomo

Kalukai TEMENENO anukene ikoo, kupau, talimayokai doiya salaku meeng kopoingotii, inai konoamu manasal doi Nadidikan doo. TEMENENO manganuukon mian Nakinilakon, pokakana meeng kotama moanuukene konapau sineseang.

Inaikai motoliminggene naikon oila komolapamo kuotunggulikene doikoo, kupau. Nenekekai sidutu daku parentah, sulano namoloas komuumur tukon mutuboan namonondokan.

Untungokai meeng komian moteali pandoi tukon malaat pangalatian. Konakauntungan badaang tuuno luwe doi moilaat luwedoi salaka, lobian koanggano doi mosoni. Kopandoian koanggano lobian luwedoi batu montontilan; sasaibino ikoo neneeke aki mulaate konapokakanaan.

Kalu daano komukamampuan tuuk kabaiyo monondok doi mian moparaluwo mumonondokan, inaikai motolayo tuuk molakukene langge doo.

Tukon pandoian, TEMENENO pasitakayo kodunia: tukon Napikiran doi Yana noano tetelengane kotimbu doi Natampat.