ANDEAN 23
23
–6–
1Kalu ikoo osulang kaan tukon meeng ko pamarentah neneekai indee yana. 2Kalu ikoo daano komu nafsu kaan badaang, tahanemo komu minotondoo. 3Inai modoko kaan momaamis mosinidokikon, banggokai yana okoliyo ikoo.
–7–
4Inaimokai mobasusah-susah sulano teali kaasa. Putusemokai mutetel doo. 5Sabab, sopiongan lalomo komu buat moola lapaus, ugat-ugaat yana daano kokapilo tukon benga doi dapang buno tomisi rajawali.
–8–
6Inaimokaan polaing komian mopatuk. Inai koidan momemetene naikon kona kinaan maamis. 7Sabab, yana naikon bantil, “Mai ndakaan; sungiyo koidan,” banggokai kona makisud bolikon bunodoiya. Yana nabasilingan maamis, bai konoano posasala. 8Kabudoon oila molapamo ikoo lemese ikoo abali toluwekene, tukon saibino mubantilan-bantilan momaamis doiyana akiyo kotakoso.
–9–
9Inaikai mongotinau mian molongas; yana aki naikon nahargaiyo muotinaudoo.
–10–
10Inaikai mobiele komubuta pusaka kallatanokai mangala pau tuboon koona nabuta. 11Sabab, Temeneno daanon mobelayo mobukuanan, yanamokai naikon pembela molawane ikoo.
–11–
12Palatikanggenekai muguru naotunggul tukon balajal badaang lunggon.
–12–
13Inaikai momata-matakut didike mupau. Kalu ikoo bobokiyo yana tukon bonggoon, 14yana aki naikon namate, tukon naikon salamat.
–13–
15Kupau, yaku sanaang tuuno kalu ikoo mamangan komupikiran. 16Yaku sanaang kalu ndongoliyo ikoo mabantil, bantilan-bantilan motapaat.
–14–
17Inaikai mo mosikit konoamu doi mian mobaladosa. Taatkai sidutu doi Mian Bisa sulano tempo sinasalaan tadagai, 18tukon muminoinikon aki nalapus,
–15–
19Kupau! ndongoliyo, tealikai mamangan mupikiran. Palatiksnggene tuu-tuu komucara tuboan. 20Inaikai mogouliyo komian momalangu kai mian momodoko. 21Sabab yanila naikon teali talalais. Kalu ikoo moola tolong, maka aki namalubit koidan ikoo naikon bapakean motebe-tebending.
–16–
22Taatio kotamamo; sabab akiyo yana ikoo akiyo. Kalukai tinamu motuamo, tudeikenekai baikon ikoo adotiyo yana. 23Otunggul mokana pandoian, didikan, tukon pangalatian – saibinodoo sio nainoli, bai todudul koanggano tuuk binalukon. 24Meeng kotama naikon sanaang kalu konapau konoano monondok; yana naikon sanaang kalu konapau mamangan kona pikiran. 25Bolisii tamamu tinamu sanaang doikoo; bolisii namonondokkan koboine mosungge ikoo.
–17–
26Palatikanggene mono-monondok tukon tudoikene daku tuboan, kupau! 27Yanila lolobotio buno palampok kubaiyo badaang komala-malanemo baloloa. 28Moluko monakal mobaloloa daanon talong mo bahaya.
–18–
29-30Ikoo toiyokai komo teali doi mian momonginum anggur todudul badaang tukon idan namatamis minuman mosopot? Mian doo sakisaa tukon mandarita. Yana sidutu podangani tukon bantil. Komatamu memela tukon kobutongo; dedenggon, banggokai saibinodoo moola nahinalangi. 31Inaikai mosodiikene koanggur nagodayo ikoo maukai kobotiko menalik tuuno tukon tokita montontilan doi galas lalomo tukon mololong usok tukon namonondokan doi bulungo kajungo lalomo. 32Dodoa soono ikoo lasayo buno binda bisa sokuwo. 33Mumata bakunang-kunang, mupikiran ngabut tukon suumu mio-miok. 34Ikoo lasayo buno daanoon doi kapal natiang bunduno doi tobun tangano; Olumu masakit tukon ikoo tapaso-pasokon. 35Maka ikoo bantil, “Bunokai yaku binobinobokii tukon mian tapiyo, bai yaku aki kuneneeke oila komoteali. Adu, yaku pipiito tuuno! Yaku palalu monginum koidan!”
Currently Selected:
ANDEAN 23: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
