ANDEAN 24
24
–19–
1Inaikai momasakit konoano doimian lokis, tukon inai moiyase polaing tukon yanila. 2Yanila tolongo pikikene konakejaman tukon tolongo salitayo oila komo silakayo.
–20–
3Bonua dungolan binangun tukon montoiyan tukon pangalatian. 4Tukon kalukai daano tinotui komontoian maka kokombiang-kokombiango naikon tinotui moono tukon barang-barang modaano koanggano tukon mondok.
–21–
5Mian momamanggan kona pikiran lobian konangganganan luwedoi mian mobukuan; montoiyan penting tuuno luwedoi natanaga. 6Tobikon akiyon napolobosi sio nadaano koniat momondoko loluk tukon polokon badaang kopongotinau, polokon babasal kona teali naikon manaang.
–22–
7Komian molongos aki nalaate selamio komontoiyan. Yana aki nalaate bantile olia-oila kalu mian daano posilingonikene langge-langge mopenting.
–23–
8Komian mosidutu baniatene kokulokisan, naikon sinumbuikon banggabut. 9Samba komian molongas nasiasat daano lalim. Mian mosidutu sosibolio komi an bailon, aki nasinananggon luwedoi inde tolong.
–24–
10Kalu ikoo manasalo doi ndondong mogawat lalomo, maka ikoo mian mo miuk.
–25–
11Inai momamatakut mosodiyo komian molapamo inukum mate; salamatenekai komian modaano mobinaba doi tampat batudean. 12Moolakai kubantile, “Doiya bolikon kuulusan.” Bai Mian Bisa awasio ikoo. Yana toiyo tukon adilio mupikiran. Yana balase kobanggapi mololoi napalabuatan.
–26–
13Kupau, makaanokai dokat, sabab doiya monondok. Bunokai dokot luwedoi anidoo popano mamis tuuk kinaan, 14buno doiya koidan montoiyan monondok tuuk doimu ansaang. Kalu ikoo mamangan, mupikiran, monondoko mutuboan sinasalaan.
–27–
15Inaikai mobuno mian lokis pomeenggon molampeke komian mojujul tukon lambase kona bonua. 16Sabab maukai mian mojujul badaang lunggon naotuwong, sidutu yana naikon abali bangun. Bai kobaliko, mian lokis naikon manas luwedoi nasilakaan.
–28–
17Inaikai mosanaang kalu mumusuh silaka, tukon inai motedes kalu yana otuwong. 18Sabab tantu Temeneno naikon kitayo mukakabai doo tukon nilaiyo koono komolokis, maka akimokai naukume numusudoo.
–29–
19Inai mosikit kai aki nasanaang doi mian molokis. 20Komian lokis akiyo komu tempo sinasalaan tukon akiyono komu minoinikon.
–30–
21Kupau matakutene ko Temeneno, tukon odotiyo kotomundo. Inai molalainge tukon mian motantange yanila. 22Komian mobunodoiya moola namanas tolongo soisiken, sabab kosilakaan Mian Bisa osumbetekai tomundo bolikono palakala mopoipoisik.
Bubula kootunggul koidan
23Komian-mian pandoi biasa bantil bunonaia:
Ko Hakim aki namoola babalat doi sembeang. 24Kalukai komian mosalah binantil aki salah, maka dohakimo naikon binatopikon tukon saibino komian tuduwo. 25Bai ko hakim moukume komian mosalah naikon sanaang tukon inodotii.
26Potimbili motapaat danoon paloosan posobatan motutuu.
27Inaikai moosoan akiyon ikoo musadiayo komuasi tukon nadaano komu pencarian.
28Inaikai moteali sakisii doi mian bailon kalu akiyo kona alasan mobisa; inaikai koidan mobakakalakene yana.
29Inaimokai mobantil, “Yaku naikon soboliyo doiyana oila komo lapamo yana lakukene doi yaku.”
30Biasa yaku alo doi asi tukon anggur asino meeng komian momalas molongas. 31Daku kinita idoo tolongokai mosinakakon mosoniton tukon padang-padang. Kopagaro betong kai tolubango. 32Salaataa kupalatikanggene tukon kupikikene langge doo, napalajalan nia: 33#And. 6:10-11 Tukon batotopi tukon moolo soisiken, tukon osulang lipate kolimano tukon tade loluk. 34Kakulangan tukon kotalalaisan lubat molobosi buno pondikuk modaano kona sanjata.
Currently Selected:
ANDEAN 24: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
