ANDEAN 12
12
1Komian mokilakene ko montoiyan sanaang malaat panganukon;
bai mian moaki naiyase inanukon daanon mian molongas.
2Mian monondok Temeneno seseange
bai komian mobatetelkene kokulokisan naikon matalima ukuman.
3Akiyo komeeng komian kai momoola tataap monondok luwedoi kulokisan;
bai mian mojujul tataap monggol aki naunggot.
4Boloki momonondok daanon binanggakon tukon nalangkai nabahagiaan;
boloki mokubaiyo kona langkai mamaa daanon bunokai panakit buku komotepakiyo.
5Komian mojujul pikikene kolangge-langge monondok;
mian lokis batetelkene kobatipuan.
6Bantilan-bantilan mian lokis akateo
kobantilan-bantilan mian jujul salamatene.
7Komian lokis naikon otuwong tukon silaka akiyo konatanda;
bai mian monondok naikon tataap monggol tulun temurun.
8Komian mongginaal pokonoi tukon namamanganan konapikiran:
mian motinotulai pokonoi tukon nalongasan.
9Tadukai teali rayat popoisik modaano konalimang;
luwedoi nabalasipatan mian babasal banggokai kakulangan kinaan.
10Komian monondok palatikanggene kona iyayon piniala;
bai mian lokis sakisaayo.
11Patani mobalimang kokobukuan daano badaang kokinaan;
bai mian moakabuse kotempo tuuk langge moakiyo kotakoso doiyamo mian longas.
12Komian lokis yase malaat untung luwedoi mian palalentel,
mian monondok bunokai batango mosao.
13Komian lokis kona talong luwedoi bantilan-bantilan lokis kona silingan,
mian monondok luput luwedoi kasukalan.
14Samba komian momalaat
panganuukon pokokonoi doi bantilan-bantilan tukon nakokubai,
suwe-suwele binee tambo mopokakana.
15Komian longas omiiyo kobutongo aki nasalah,
bai komian momamangan kona pikiran yase mondongolii otinau.
16Kalu mian longas tosinggung, tempodoo koidan yana bantikene konoano sakito;
bai mian momamangan kona pikiran aki napaduliyo kalu sinosibolii.
17Tukon nabantilano komo bisa, mian kenggele kokaadilan;
tukon bakokolii, mian lubatene kona akian naadil.
18Basalitaan mosambalangan laatemo pokoloniyo konoa buno sabel motebeke;
bantilan-bantilan mo mamangan bunokai pakuli moaline.
19Bakakalaan naikon tabonggalo doi sopiyongan mata;
bai bantilan-bantilan mokana naikon tataap posidutukon.
20Komian mo batetelkene kokulokisan yase naikon konaakiyan naadil;
mian mo balausaha namonondokan naikon sanaang.
21Komian monondok aki naikon nakanakon silakaan;
mian lokis naikon sidutu kanakon susah.
22 Temeneno misikitene komo bakala-kala;
bai yana sanaang tukon mian mojujul.
23Komian momamangan kona pikiran aki naokitakene konamontoiyan;
mian longas basalitakene konalongasan.
24Bukuan balimang kubaiyo komian balakuasa;
konamalasan pakisayo komian teali ata.
25Lasayokai momatakut lotoyo kosamangat;
bai bantilan-bantilan momonondok kabasale konoano.
26Komian momonondok laba tuuno luwedoi napokolanian;
komian lokis tapa sabab nakulokisan.
27Tukon namalasan aki nalaate kona pinikikon;
tukon balimangan tuuno komian malaat kasaan.
28Komian mololoi loloon mo kana naikon tubo monondok;
mian momololoi loloon molokis sasalane komatean.
Currently Selected:
ANDEAN 12: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
