ANDEAN 13
13
1Kopau moyase palatikanggene kalu tamano otunggule;
mian mobabanggaal aki naiyase matalima panganuukon.
2Komian monondok nabantilan lubatene kona kauntungan;
mian moaki najujur sanaang doi motikasan.
3Komian mo hati-hati doi nabantilan lalomo naikon kona tuboan aman;
mian mosabalang basilingan naikon kanakon susah.
4Momalas badaang kona minoton bai akiyo komeeng konailaat;
mian mobalimang tuuno laate sasaibino kona minooton.
5Komian mojujul misikitene naikon kobakakalaan,
komian lokis nalenggang makabai maa tukon sinosibolii.
6Kojujulan lindungiyo komian motubo moloyos;
kulokisan manase komian mobaladosa.
7Daano komo balenggang kaasa, banggokai akiyo konabuat;
daano komo balenggang talalais banggokai kaasa tuuno.
8Komian kaasa sio nakaluale, kodoy sulano kona tuboan aman;
komian motalalais bebaso luwedoi nangginimolian.
9Komian moliyous bunokai laango montontilan;
mian lokis bunokai posi moposo.
10Kobabanggalan tolongo lubatene kopodanganian;
komian momamangan konapikiran yase matalima otunggul.
11Kokaasan moilaat tukon muda naikon mosobit natakulang kai;
bai buat mopinotongikon soisik tukon soisik naikon pololokon tosungi.
12Kalu mominoinikon aki dinanookon konoano susah;
kalu mominoinikon dinanokon konoano monondok.
13Komian mopandang enteng kootunggul Temeneno silakaiyo kobutongo;
komian molole doi Mian Bisa naukum naikon malaat tambono.
14Komian momamangan napikiran naotunggul bunokai namonondokan uuno;
kalu daano komonggimal, dootungguloo salamatene.
15Komian monondok konoano naikon ngginal;
komian moaki nainangga naikon susah kona tuboan.
16Komian mamangan kona bapikiran lolukon akiyo nalimange;
komian longas balukenemo kona longasan.
17Ulusan moaki nabeles lubatene kosilakaan;
mobinitokon namoola inangga damine daano kohasilo.
18Komian moaki naiyase moinotunggul tealikai talalais tukon tinotulai;
mian moanggayo kootinau naikon hinolomati.
19Bukamaeng konamonondokan malaat oila kona minomooton!
Mian longas aki naiyase tinggale luwedoi nakulokisan.
20Komian mobalagaul tukon mian mamangan konapikiran, naikon teali mamangan konapikiran;
mian mobalagaul tukon mian longas, naikon silaka.
21Komian mobaladosa sidutu kosusah lubotiiyo
mian monondok sidutu matalima monondokan.
22Komian monondok kona kaasan teali budel doi napau natumbu;
kaasan mian baladosa inobos tuuk mian momoloyos konoano.
23Kobuta kosong daano kohasilo badaang kondemel tuuk mian motalalais;
bai kona akiyonan naadil kubaiyo sabab butadoo aki nailimang.
24Aki namongumbas pau koalatino aki nakilakene doi yana;
kalu kilakene sio nabarani pukule yana.
25Komian monondok sidutu sukup,
bai mian lokis sidutu kakukalangan.
Currently Selected:
ANDEAN 13: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
