ANDEAN 11
11
1 Temeneno misikitene komian mo pakeyo konabatimbangan moaki namondok
bai Yana sanaang tukon mian mopakeyo kotimbangan motapaat.
2Komian mobabanggaal naikon tinotulai;
mian mopependeo konoano konapikiran mamangan.
3Komian monondok kona totobosan komotuntune;
mian moyase bakala-kala nabakakalaan komo manase yana.
4Kalau kai sasalane komatean, kobuat akiyo koalatino;
mutuboan naikon salamat kalu ikoo monondok konoamu.
5Komian monondok nakajujulan alatayo kona loloon tubuan,
bai komian lokis babayo kobutongo doi namanasan.
6Komian mojujul salamat sabab namonondokan konoano;
mian moaki nainangga topolos doi namodokoan.
7Kalu komian lokis mate, kona minoinikon mate;
moinikene kona bukuanan susuungo akiyo koalatino.
8Mian moliyous luput luwedoi kasusahan;
mian lokis malaat alangan.
9Posalitaian komian lokis silakaiyo;
mian monondok napandoiyan salamatene.
10Kota molame kalu komian jujul malaat lesekii;
korayat kokuweis kalu komian lokis mate.
11Mian mototobos nalubatan kindeke kokota,
kobantilan mian lokis yana lusake.
12Totulaiyo komian bailon daanon kokubai molongas;
mian monondok konoano akinaikon bantile kolobo tolong.
13Mosabukene kobilita mombul aki namoola taniyo kolaasia;
bai mian momoola inangga moola nalaasiakanggene kopalakala.
14Bangsa naikon manas kalu akiyo komo katuaiyo;
pololokon badaang kootinau pololokon bineekon kokasalamatan.
15Paladandi mobeale komian bailon nasamea koalatino lubatene kosilakaan;
tadukai aki natollo doi langge doo lalomo sulano naaman.
16Boine monondok konoano malaat pongodotii;
mian motolonggimolon pototongikene kokasaan.
17Komian monondok konoano labakene kobutongo;
mian motolonggimolon lugikene kobutongo.
18Mian lokis nalabaan daanon labaan moaki nabisa;
mian nalabaan nakokubai monondok daanon nalabaan tuuno.
19Indee komotekun nakokubai monondok, naikon tubo monondok;
indee komo kokotikas tuuk mokubai lokis matean kona tinujui.
20 Temeneno misikitene komian mo lokis konoano,
bai yana mamasikene komian mo tubo akiyo kososibolino.
21Komian lokis tantu malaat ukuman,
komian momonondok naikon salamat.
22Koboine namonondokan moakiyo kona akal
buno sousolut mosoni doi babungo suungo.
23Mian monondok naminomooton sidutu kohasilo monondok,
bai komian lokis naminoinikon tolongokai nggimalan.
24Daano komian moiyase mebee, bai tosuungi kaasa,
daano komoyase bahemat, bai pololokon tosungi talalais.
25Komian momebee badaang naikon pololokon badaang,
komian moiyase motombonii naikon tinombonii koidan.
26Indee komo mangatambun naikon komian batotopikene,
bai komian mobalukene malaat panggaal.
27Indee komolole mokubai monondok naikon mian sanaanggene;
indee komo mounggoli kulokisan, naikon linubotii kasusaan.
28Indee komo balanggene kobuat naikon otuwong buno loon motuul;
mian momoliyous naikon tubo buno susuno mongula.
29Komian moloilokise konabonua lalomo, naikon lapus sasaibino.
Komian longas naikon leleaniyo komian momamangan konapikiran.
30Komian momoliyous naikon tokindok kona tuboan;
mian momamangan konapikiran tosuungi kona pololaing.
31Kalu kai naidunia nia mian monondok kai naikon matalima posoboli,
tantumo mian lokis tukon mobaladosa naikon malaat ukuman.
Currently Selected:
ANDEAN 11: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
