AYUB 36
36
1-2Ndongoliiyokai naapa koidan, tukon totiilikai,
daanokai komosio kubantile demi Mian Bisa.
3Dakumotoiyan badaang; naikon kugunakanggene
sulano kubuktikanggene baikon komo pasitakayo yaku adil.
4Dakubantilan akiyo komo kala;
komian motutuu toiyo daano doi salaamu.
5Ko Mian Bisadoo balakuasa! Yana toiyomo kolobo sasaibino.
Akiyo komeeng komian yana mombalenge kulokis.
6Komian mobaladosa aki nasinodiikon tubo malumbit,
Yana beena kaadilan doi mian mosakisaa.
7Yana palatikanggene komian-mian mojujur,
Yana tealikene yanila balakuasa buno tomundo-tomundo,
tobikon yanila inodotii posidutukon.
8Bai kalu komian binoboi tukon rante besi,
sakisaa sabab nakokubai susuungo limbako,
9maka kolalim tukon napooo babanggaalan
ko Mian Bisa naikon ukume.
10Yana sumboliiyo yanila mondongoliiyo Konapoingotii
tukon yanila tinggale konapoo kulokisan.
11Kalu yanila tulutiyo ko Mian Bisa tukon bakaleda doiya-Na,
yanila tubo dame tukon monondok polong pomatekon.
12Bai kalu yanila aki namondongolii,
yanila naikon mate doi nabodoan lalomo.
13Komian moakiyo konatemeneno abese konggimalan;
mau Temeneno naukume, yanila aki naiyase makabi tulung.
14Yanila mate susah doi tempo natabokonan
sabab konatuboan moono kulokisan.
15Ko Mian Bisa otunggule kobanggapi mololoi sakisaawan,
Yana kubaiyo susah sulano nasadariyo.
16Ko Mian Bisa lapamo sodiiyo ikoo luwedoi kasukaran,
tobikon mumoola toupiyo kotanaangan,
tukon komumeda kaanan moono kinaan.
17Bai diabudodoo pokokonoi tukon mukulokisan,
ikoo talimayo komuukuman.
18Badagaikai, inai mototipu tukon doy posogok;
inai motongokolii sabab kaasaan.
19Akiyo kotakoso ikoo mouang makabi potombonii,
palasuma sasaibino komutenaga tukon mubukuanan.
20Inai mopoloonggene kokalipookan,
kobangsa-bangsa natempo kabuso tukon naakiyonan.
21Badagaikai, inai moabali doi kulokisan.
Komusakisaawan makisuuto sulano mutinggale kokulokisan.
22Neneekekai, Mian Bisadoo babasal Konakuasa.
Kai daano koguru mopokakana Yana konahebatan?
23Indeekai komo moola tantukene kololoon tuuk Yana
kai barani motuduwo Yana momokubai salah?
24Yana sidutu ngginaal sabab nabalimangan,
tukon ikookai patut Muakuiyo.
25Sasaibino komian kitayo Konakokubai;
bai akiyokai komeeng komian motutuu Yana pahamiyo.
26Ko Mian Bisa tutuu inodotii, aki ndamoola toiyo Yana,
kai moaite Konataun nakadaang.
27Ko Mian Bisa molubatene kopaisu luwedoi dunia teali bunom
maka Yana boliiyo teali udan paisuno mondendek.
28Yana kundange koudan luwedoi bunom
yuma bubusikene doi bangkapi.
29Akiyokai komeeng komian momangalati kobunom-bunom nabiyokan
tukon koguluk nabulunganan doi timbu Mian Bisa natampat dungolan.
30Posaapon kotimbu Yana kadiolingiiyo tukon didip
bai kotobun lalomo doi bilit tataap kalipookan tuuno.
31Doiyamo Konakokubai Konaotuboiyano kobangsa-bangsa
tukon beena kinaan molobi-lobian tuuno.
32Yana lakoyo kodidip tukon lima-No
tukon sumboliiyo tulokiiyo Konapinakituu.
33Koguluk nalalo doiyamo kopaloosano naikon lubat kosokoi,
mau iyayon bai toiyo momosobit lubat kombeyus.
Currently Selected:
AYUB 36: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
