AYUB 35
35
1-2Ayub, ikoo salah kalu ikoo bantile
baikon ikoo aki musala doi Mian Bisa matano.
3Ikoo salah kalu ikoo masadai,
oila kolimbako komulalim doi Yana;
tukon oila kountungo komu tinalima
kalu ikoo aki mumokubai lalim.
4Yakumokai naikon komo timbilikon
tukon koidan doi tula-tulamudoo.
5Kitayokai doi timbu tukon palatikanggene bulaando
kobunom-bunom natatandakan.
6 #
Ayb. 22:2-3
Kalu ikoo baladosa, ko Mian Bisa aki naikon nalugi.
Kalu badaang komusala, Yana aki namololoi.
7Tukon mokubai monondok, aki mubantue ko Mian Bisa.
Tutuu, Yana aki namapalaluu oioila luwedoi koo.
8Sabab mulalim-lalim lugimo kotulamu.
Tukon komu monondokan Yana koidan komo untung.
9Komian-mian molinai-lainggon, naikon nggeleamon;
yanila wookon makabi tolong.
10Bai bolikon doi Mian Bisa, mopasitakayo yana
mobeena moinian doi tempo napoo susaan,
11tukon mobeena kobangkapi pikilan momonondok
lisiiyo kotomisi tukon iyayon doi dunia.
12Komian-mian molinai – lainggonoo masadai bai ko Mian Bisa aki nabiyok
sabab yanila lokis tukon babanggaal tuuno.
13Akiyo kotakoso konapoo wookonan kakabukuan;
Mo Balakuasa aki nakitayo kai lengele yanila.
14Ayub, kalu ikoo lobi-lobian koidan mobantile
baikon ikoo aki mukitayo Yana,
baikon komupalakala daanomo doi Salaano
tukon ikoo toti-totiiliyo Yana!
15Ikoo anggene ko Mian Bisa aki nabeena ukuman
tukon aki napalatikanggene kopalanggaran.
16Akiyo kotakoso ikoo mobanggadudukene komusilingan;
totongokai, aki mutoiyo oila komubinantil.
Currently Selected:
AYUB 35: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
