AYUB 28
28
Panggal tuuk montoiyan
1Doiyaa kosuasa napinosuunggonan daano kobakalian;
daano kotampat doiyaa komosoni nakinindokan.
2Besi kinali luwedoi buta lalomo;
kotambaga inala luwedoi batu.
3Kopopook molondomikon tuuno inompokonii,
tampat moatean tuuno sinolidiki.
Idoo doi kalipookan lalomo
komian mounggolii batu-batu.
4Doi tampat moodoon moakiyo komo dungoliyo,
moakiyoon napomanaanggon motinudang tukon linoloi,
komian mobalimang bakaitude doi alos
loloon doi buta lalomo mokiis kolipu.
5Kobuta hasilo tuuk banggapi nakinaan,
bai doi butadoo koidan doi bilit,
sasaibino pinajeko tabongkar
tobikon ngganggala buta antoko sasabulo.
6Batu doi buta lalomo kona warna sasamelaong,
tukon koambatano koantoko mosoni tuu.
7Alai belengga aki natingoniiyo kololoon dombalaa,
tukon kotomisi kolu akiyoon nabenga idan doi bunggono.
8Singa tukon iyayon bailon mobarani akiyoon naidan
mololoi loloon mokiis kona tujuiyo badombalaakon.
9Komian mokalio kobatu lalomo maukai namatikas,
yana bongkare kobunggul polong doi anggolo.
10Salataa yana mokubai loloon doi bunggul batu lalomo,
yana laate komutia moano koanggano tuuno.
11Yana kaliyo polong doi paisu-paisudoo naluwean,
maka yana tobuatene oila komo tosookon.
12Bai inaandokai konda moolaan umboliiyo komontoiyan?
Doi yaandokai kona malaatan otunggul sulano ndamangalatikene?
13Komontoiyan akiyo doi bangkapi tanga-tangano;
akiyo komo toiyo koanggano motutuu.
14Doi tobun lalomo nadumbakan tukon ndalangon bantil
baikon komontoiyan akiyo doiyana.
15Komontoiyan aki namoola sinoboli maukai tukon mosoni tuu,
tukonkai salakadoo aki nailaat inoli.
16Mosoni tukon momontontilang modaano koanggano tuuno
aki namoola pokakana koanggano.
17Mosoni kai sulumin moalus aki napokokonoi tukon yana,
aki nateali bineal tukon mosoni natampat.
18Komontoiyan tatandak tuuno koanggano
luwedoi merjan, kristal, kai mutiara.
19Batu topas motuleng tukon mosoni tuu,
kiduung koanggano luwedoi pikilan.
20Doiyaandokai konaluwean dopandoiyanoo?
Doiyaandokai konda malaatan pangalatian?
21Akiyo kolobo motubo biasa nakitayo,
maukai tomisi doi dapang aki namokita.
22Matean tukon sakisaawan kai bantil,
yanila tolongo molongol salita-salita tolong.
23Tolongo Mian Bisa komo toiyo komontoiyan natampat daanoan,
tolongo Yana komo toiyo kololoon dombala,
24sabab Yana kitayo kodunia bundu-bunduno;
sasaibino kolobo doi timbu tailokon bilit Yana palatikanggene.
25Salataa kombombuul binee Nabukuanan,
tukon tinatapkanggon kotobun kalatano.
26Salataa Yana tantukanggene koudan natampat lubatan
tukon kodidip maka guluk naloloon linoloi.
27Doi tempodoo doiya komontoiyan Yana kitayo
Yana ujio koanggano maka binekon Yana, Yana restuiyo.
28 #
Sad. 111:10; And. 17:9-10 Ko Mian Bisa bantil doi bangkapi,
“Sulano malaat montoiyan siokai, poodotiiyo ko Mian Bisa.
Sulano pomoola mangalati, kokulokisan sio podedeenggene.”
Currently Selected:
AYUB 28: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
