AYUB 23
23
Ayub
1-2Bai Ayub timbiliyo,
“Yaku momuluk tukon bebe doi Mian Bisa;
aki kumoola tahane komo binebekon.
3Ah, kalu moola kutoiyo konatampat Yana daanoan,
sulano kumoola taus tukon pososuunggana Yana.
4Maka kusasalaanikene doi Yana daku perkara nia,
luwedoi suunggu tabantil kobantilan-bantilan kopombelaan.
5Yaku yase toiyo oila naikon Yana nabinantil,
tukon bulaando Yana nabenano potimbili.
6Oilakai Yana naikon tuuse Nakuasa doiyaku?
Aki! Yana tantu naikon ndongoliiyo daku bantilan-bantilan?
7Yaku aki kusala tukon moola belayo kobutonggu doi Salaano,
maka yaku naikon inatakanggon mobebas sidutu posidutukon.
8-9Kuunggoliiyo ko Mian Bisa doi tolopot, talise, lalom tukon lembet,
bai doiyayaa ko Mian Bisa akiyo;
tukon yaku aki kumoola posuunggene Yana.
10Maukai Yana toiyo sasaibino dakuloloon
koidan sasamba daku laakonan.
Kalu buno mosoni yaku inudi,
naikon konabukutii baikon konoanggu bilisii.
11Yaku taat tukon setia doi Yana;
akiyoon naidan kulias luwedoi loloon Natinantukon.
12Yaku sidutu loingiyo ko Mian Bisa naparentah-parentah,
Namongiasan kuloingia, bolikon kumoinian susuunggu.
13Mian Bisadoo aki nabolii;
akiyo komo moola lawane Yana.
Yana lakukene oila Konamongiasan.
14Yana naikon jalananggene Narencana tuuk yaku,
tukon daano badaang koidan Narencana bailon.
15Sabab matakutene Yana, yaku mbombokon;
pololokon sasaibinodoo kupikikene,
yaku pololokon matakutene.
16-17Komo Balakuasa manasemo sasaibino daku baranian.
Yaku matakut sabab Mian Bisa,
tukon bolikon sabab kalipookan tuuno,
maukai dokalipookanoo naboilingiyaku,
tukon tutupiyo kodudusonggu.
Currently Selected:
AYUB 23: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
