AYUB 24
24
1Bulaando ko Mian Bisa moaki natataapene kooloyo mangadilian,
sulano komian badaang Motingoniiyomo namalaat kaadilan?
2Daano komian badaang mosaakene kokalatan paloosano,
sulano konabuta nateali babasal.
Yanila ndikuke kodomba tambuno,
tukon kandange doi napoo domba kandango.
3Kopautuboon nakeledai, yanila obulenggene;
yanila alayo komeeng kobalu nasaapi, salaku pataru.
4Yanila sesembange komian motalalais nalaate konahaak,
maka tapakisaa komian motalalais sapit.
5Jadi domo talalaisoo buno keledai solo momounggolii kaan doi padang lalomo;
tolongo doi tampat-tampatoo daano kokinaan tuuk napau-pau.
6Yana tapakisaa limange komian bailon naasi;
yana sio napototongikene komian lokis naanggur saono.
7Yana akiyo konatoik tukon pakean
pokotolonosii butongo doi tempo popook.
8Yana mbetak udan babasal doi bunggul,
maka bakoolanikon doi bunggo batu sulano nasoop.
9Komian lokis kubaiyo ata kopau tuboon,
tukon alayo komian motalalais napau lumboon
modaano kona samea doiyana.
10Komian motalalais taus akiyo kona ndemel;
yana malaalo doi daanoan mobapupui gandum doi naasi.
11Luwedoi zaitun yana mokubai lisison tukon luwedoi anggur saono, monginuman,
bai yana susuungo moloumo tutuuno.
12Doi kota-kota tololongol komian lokis nabebean,
mian daango mopakolon makabi tulung napinakuli,
bai ko Mian Bisa aki namondongolii konapoo sambeang;
Yana aki naiyase moloingiyo.
13Daano komian-mian motolayo komadialang tukon musuwo,
yanila aki natingoniiyo tukon aki nalainge konaloloon.
14Doi naalanian komodoa kopangakate bangun luwedoi namooloan,
maka sumbot akateo komian motalalais,
tukon koidan oloyo akiyoon namodoa,
yana baso-basookon buno pondikuk.
15Komian mobalolowa totiiliyo kotempo napopook;
yana pakeyo konapatanggupi oluno sulano komian naaki natingoniiyo koduduso.
16Kopondikuk lombake kobonua doi tempo popook;
doi tempo dodowa yana badodoonggon doi madialang tukon Yana sapit.
17Tuuk yana, matakutene tuuno kododowa soono,
bai kopopook molondomikon yana sanaanggene tuuno.”
Zofar
18Maka Zofar bantile, “Komian lokis kopaisu eaba lelenge,
ko Mian Bisa kutukiyo konabuta;
konaanggur asino diabudoo kiis;
akiyo koidan komo balimang idoo koidan.
19Buno soiluk lapus sabab pital tukon oloyo,
bunomo doiya komian mo mokubai lalim linomos doi mian mate nadunia lalomo.
20Kotinano susuungo toliminggenemo yana,
tukon ngganggalang kaane kobutongo.
Kosambuno akimo koidan naikon nainonook;
yana inakabus buno kayung motolubang.
21Doiya sasaibino teali sabab yana lailainggene kobauntal,
tukon kulokis konasipat doi boboloki moakiyo konamalane.
22Bai ko Mian Bisa, tukon Nakuasa, siikayo komian mobarani.
Ko Mian Bisa motindokio, maka matemo komian lokis.
23Ko Mian Bisa beena tuboan momonondok,
bai dagaiyo tukon aki nabere-berenti.
24Tongo soisikeen yana tubo monondok,
bai doibundu taus tuuk sidutu posidutukon.
Yana molooyu buno bulung moakiyo kotakoso;
buno labue batuno mopinatol luwedoi batango.
25Indeekai komoola saleanggene dokadadianoo,
kai moakiyenggene dakubantilan nabisaan?”
Currently Selected:
AYUB 24: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
