AYUB 17
17
1Loolanimo dakumatean, kabimo nakabus dakuansaang;
tolongokai bakibulan komo totinggal doiyaku.
2Komian tealikene yaku langge motinotulai;
kukitayo bulaa konapoo sokulikanano kosindiran.
3Yaku nia jujur, oh Mian Bisa. Anggaakumo!
indee koidan komo motombonii dakubantilan?
4Ikoo tutupe konoanoila tobikon aki namangalati;
inai sampe yanila lungguiyo yaku diabudodoo.
5Mololoi sosombot, indee komo kalaakene kotulano
tolongo tuuk nakauntungan,
napau-pau susungo naikon mantalima pabalaso.
6Diabudodoo yaku sinindir tukon dososombotoo;
yanila lubat tuuk tupeiyo kodudusonggu.
7Nggalung komatanggu sabab susaan;
molisuk kobutonggu posaapon.
8Komian mosoleh posibonggon tukon masainding,
komian moakiyo konasalah, anggene yaku akiyo daku temeneno.
9Komian momonondok tukon moakiyo kona salah
pololokon anggayo konandondoong tuboan pokokonoi doi Mian Bisa.
10Bai kalukai komuyu sasaibino lubat doisumai,
akiyo komeeng komiankai mopandoi naikon kulinaat.
11Daku oloyo-oloyo tembeledukono, akimo nateali sasaibino daku tetel;
lapus koidan sasaibino konoanggu nabinantil-bantil.
12Bai dakusobat-sobat bantile,
“Popook doo dodoa tukon madialang kabimo nalubat.”
Maukai kutoiyo doi noanggu lalomo
baikon tataap kalipookan daku ndondoong.
13Tolongo dunia matean daku minoinikon,
indaamokai naikon daku mooloan doi kalipookan lalomo.
14Dakukibulan kusumbuikene “Tamanggu,”
tukon nggalang-nggalang mokaane kobutonggu
kubantile “Tinanggu” tukon “Utusonggu moluko.”
15Inaandomokai komoinian motuuk yaku;
indee komo kitayo modaano komondokan motuuk yaku?
16Kalukai yaku obulus doi mian momate nadunia,
yaku akiyono daku minoinikon koidan.”
Currently Selected:
AYUB 17: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
