AYUB 15
15
POSALITAIYAN KOLUANO
15:1–24:34
Elifas
1-3Maka Elifas timbiliyo,
“Ayub, komusalita kala-kala, tutuu akiyo koalatino!
Akiyo komian mopandoi motimbiliyo buno ikoo nia,
yana aki naikon nabelayo kobutongo
tukon bantilan-bantilan moakiyo koanggano.
4Kalubaikon domubantilan linoingikon,
akiyo komeeng komian momatakut kai mosambeang koidan doi Mian Bisa.
5Komubantilan-bantilan kona bukti ikoo salah,
bai komu kulokisan ikoo tutupe tukon alepo nasilatano.
6Aki napalaluu yaku molaite tukon musalakene ikoo,
sabab doi mubantilan-bantilan susuumu ikoo inasalakon.
7Ikoo anggene ikoomo kobangkapi mosinuung tumbe?
Salataa kobunggul-bunggul tinealikon ikoo daanomo?
8Kai ikoo ndongoliiyo ko Mian Bisa mokubaiyo korencana?
Kai tolongo ikoo kobangkapi modaano konamotoiyan?
9Sasaibino komutinoi, kamikai toiyo;
sasaibino komutinoi, tontongo koidan doikami.
10Namotoiyan nia kami talimayo luwedoi mian mombombolo konabuuk;
akiyoon tamamu nasinuung yanila daanomo!
11Bulaando moaki mutalimayo ko Mian Bisa nahiburan?
Kami basilingan tukon sabar tukon miuk tuuk sambuno.
12Bai ikoo nggimal komatamu sumbol-sumbol;
13ikoo nggimoliiyo ko Mian Bisa tukon bantayo yana.
14 #
Ayb. 25:4-6
Kai moola kobangkapi naakiyo tuuno konasalah?
Kai moola nabinisakon doi Mian Bisa salaano?
15Maukai doi malaekat salaano ko Mian Bisa aki naanggayo;
yanila aki namoliyous doi Napatanggal.
16Bainokai koidan kobangkapi morusak tukon madikito,
mokuotiyo kokulokisan buno paisu tolong.
17Ayub lingele, ikoo naikon kusalitaikene doikoo kolobo meeng,
18mian mopandoi mootunggulkene doiyaku.
Dootungguloo yana talimayo luwedoi nambumbu,
tukon binanggadudukon sasaibino doi nakatulunan.
19Doi tempodoo akiyo komian sangalaasan doinapoo lipu;
akiyo komo atapayo yanila luwedoi Mian Bisa.
20Komian molokis lailainggene kotulano,
naikon toupiyo kosusah doi natuboan lalomo.
21Koala-alalo mobulungan tuuno tapakiike kotolingaino;
doi tempo moaman lubat kopondikuk molobosiyo yana.
22Akiyo komoinian doiyana motolae kokalipookan,
sabab sabel pangakate lelenggene yana doi sasamba kotodanan.
23Kotomisi-tomisi nasar montotiili konatempo matean,
yanila kabi nakaane kobajano.
Maka yana sadaro
baikon kalipookan kona oloyo sinasalaan.
24Kosilakaan bunokai tomundo mobarani,
basadiamo naikon mosuoponiiyo.
25Bunomodoiya komian nanasib molawane ko Mian Bisa,
tukon barani molawane Komo Balakuasa.
26-27Tukon yana babanggaal molobosiyo tukon lawane ko Mian Bisa;
yana bingkate konatombide, yana aki namangaku kalah.
28Yana manataap doi kota-kota mominanaso,
doi bonua-bonua moakiyono kotumbuno.
Dokota-kotadoo lapamo tinantukon
tuuk tataap teali kota mominas.
29Domianoo nakaasaan naikon lapus akiyo kolaalo;
konabuat naikon kabus sasaibino.
30Yana aki naikon natongosobii doi kalipookan tuuno;
koaung naikon kopulemo kosopi-sopiino.
Yana naikon kabus
Mian Bisa suungo mososupaiyo.
31Kalu yana anggayo doi moakiyo kogunano
naikon yana inokoliimo;
tukon posobolino yana naikon motalimayo
akiyo koidan konatotuuk.
32Akiyoon nalaate kotempono, yana naikon matemo,
buno kolangaano momolooyu moakimo namanampal koidan.
33Yana buno anggur batango momatandang kosaono
buno zaiton batango momatandang kobungano.
34Komian molokis akiyo naikon konakatulunan;
kobonua yana mobangune luwedoi buat tamboan kabus mosua.
35Doiyamo yanila mobatetelkene kokulokisan tukon laksanakene;
kobangokoliian sidutu daano doi noano lalomo.”
Currently Selected:
AYUB 15: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
