AYUB 13
13
1Sasaibino doiya yaku mokitamokai tukon yakukai lengelemo,
tukon tutuu yaku mangalatikenemo.
2Oila kopoo tinoi, mau yaku toiyo;
inai moanggene yaku kalah tukon ikoo.
3Bai yaku naikon basilingan doi Mo Balakuasa;
yaku yase mobelayo dakupalakala doi Mian Bisa salaano.
4Sabab komuyu tutupe komulongasan tukon bangakakonan,
akiyo konaboliian buno tolosupa-tolosupa mopalsu.
5Kalukai komuyu aki pobasilingan,
tantu komuyu inaanggon pandoi.
6Maka ndongoliiyomo dakupadangani;
kiteese daku belaano.
7Kai moola komuyu bakala-kala doi Mian Bisa?
Kai moola pobakala-kala tuuk Nakapantingan?
8Kai moola komiyu pihak doi Mian Bisa,
tukon belayo Yana salaku buno pangacara?
9Kalu ko Mian Bisa palesakon, kai naikon monondok kohasilo?
Kai moola pookoliiyo buno pookoliiyano kobangkapi?
10Kalu komuyu ala doiyana, maukai aki pobibiyok,
ko Mian Bisa naikon hukume komuyu tukon lokis.
11Oilakai ko Mian Bisa nababasalan aki konoamu nakaget?
Oilakai Konahebatan aki nangginggim konoamu?
12Sasaibino komuo tunggul buno ambata moakiyo kotakoso;
komu pembelaan buno buta momanggeanggang momoola mapasah.
13Tobikon doiya naimopelek, sodiiyomo kubasilingan!
Yaku aki kupaduliyo maunabulaando kona tealian!
14Yaku sadia mobataanggene daku ansaang!
15Yaku nekate sabab manasalo!
Kalu ko Mian Bisa kabi naakateaku, yaku batadikenemo tolong,
bai yaku naikon belayo daku kalakuan doi salaa-No.
16Naanggokai sabab kubaranianoo yaku salamat,
sabab komian lokis aki naikon nabarani momangadap doi Mian Bisa!
17Budodoiya ndongoliiyo mono-monondok dakubantilan;
palatikanggene dakukatalangan.
18Daku palakala lapamo sadia kubantile,
yaku anggayo, aki naikon kuinasalakon!
19 Temeneno, kalu Ikoo lubat tukon laitaku,
akimo naikon kubiyok, tukon montotiilimo kumatean.
20Bai lua dakukakabi nia podaanokenemo,
sulano kubarani mangadap doi-Koo koidan.
21Tademo mosakisaayo yaku,
tukon inai Mupisaiyaku tukon Mutakutiaku!
22Basilingano, maka naikon kutimbiliyo.
Kai sodiiyomo kubasilingan, maka beenamo potimbili!
23Bulaamo konakadaang kosalah tukon lalim kulinakukon?
Sasaibino dakupalanggalan siokai mubantile!
24Bulaando Ikoo mobadodoonggon tukon bangalaason luwedoi yaku?
oila kosababpo Ikoo moaangganaku buno Mumusuh?
25Yaku tolongo loon momatanas kanakon mbombuul mopuul
bulaando Ikoo mootakutia yaku!
Yaku tolongo padibatangoo momotuul tukon molooyu
bulaa konamolaan Ikoo mololo-lolonggaku!
26Ikoo tantukene kotuboan molokis tuuk yaku;
ikoo balase dakukasalahan doi tempo kutabokonan.
27 #
Ayb. 33:11
Ikoo boboiyo koainggu tukon rante besi;
Ikoo awasio sasaibino dakulenggang.
Tukon koainggu salaano,
aki natongosobi luwedoi Mupokita.
28Maka yaku tealimo mandabuk buno kayung mobooano;
buno toik eaka mokaane yaku teali manas.
Currently Selected:
AYUB 13: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
