YESAYA 4
4
1Doi tempodoo daano kopitu koboine motaaniyo komeeng komalane tukon napo bantile, “Pataikanggami moakuiyo ikoo salaku mai langgai, sulano naaki mai mammaa sabab kami nia aki mai osowaan. Kokinaan tukon pakean kami komo tanggunge.”
Yerusalem nakinindokan koidan
2Naikon kalu laate kotempono ko Temeneno kubaiyo sasamba kotanaman tukon kayung batango tubo teali babasal tukon monondok doi tano nia. Doi tempodoo ko Israel miano mosalamat yanila rasayo laba-laba tukon tedes sabab konapo tanaman hasilo badaang tuuno. 3Sasamba komian mototinggal doi Yerusalem, doiyamo mian molapamo Mian Bisa lilike sulano nasilamaton, yanila binantil baikon mian momoliyous. 4Tukon ko Temeneno Nakuasa Yana adiliyo tukon kindendeke koidan Kona umat. Ko Temeneno bilisiiyo ko Yerusalem luwedoi mian-mian moinakate sauno doi kotadoo. 5#Tob. 13:21, 24:16 Maka doi Bunggul Sion bunggono tukon sasaibino komian mopototongi idoo ko Temeneno tealikene kobunom doi tempo oloyo, tukon tibolung maka bilat laango doi tempo nakalipookanan. Ko Mian Bisa susuungo tukon Konakuasa naikon itolungiyo tukon lindungiyo posaapon dokotadoo. 6Yana naikon itolungiyo luwedoi pintal onaso doi tempo oloyo, tukon tealikene napo soopan luwedoi udan mobabasal tukon doi sokoy.
Currently Selected:
YESAYA 4: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
