YESAYA 3
3
Yerusalem nanggalanggabutan
1Kona tutuuwan, ko Temeneno Mobabasal Konakuasa naikon alayo luwedoi Yerusalem tukon doi Yehuda sasaibino kokinaan tukon kolangge moininum molapamo yanila sadiakene. Tukon sasaibino komian yanila mobalaanggene: 2sasaibino kotalenga tukon suludadu, hakim, nabi, mian modaano kona motoiyan tukon pongotunggul, 3suludadu kapalano, paupaulakai tukon tusambu-sambu negara, modaano kona motoiyan molokis tukon komo toiyo komotoiyan patanggal. 4Ko Temeneno naikon oduduke kotabo-tabo nateali katuaiyo korayat, tukon yanila naikon maparenta luwe napo mongiasan. 5Komian naikon polailainggon. Kotabo-tabo pandangentenge koorang tua, tukon komian mopoipoisik lailainggene komian mobabasal.
6Doi tempodoo komian naikon tudoyo komeeng koutuso napau maka nabantile doiyana, “Tongo ikoo komo daano komu pakean mopantas; tobikon doiya tealimo mai katua doi loonu nia momoono susaan.”
7Bai yana timbiliyo, “Yaku bolikon dukun! Tukon koidan akiyo daku kinaan tukon pakean. Inai posumboliiyaku mokatuaiyo kobangsa!”
8Tutuu, ko Yerusalem tuwongo! Ko Yehuda tabaako! Sabab konapo bantilan tukon napo kokubai lawane ko Temeneno tukon Kona kakuasaan. 9Konapo kokubai mosombong okitakene konapo kulokisan. Terus terang konapo dosa pokakana ko Sodom doi loolukoo. Yanilakai silakamo! Yanila komo lubatene kosilakaan doi dilinoila.
10Ko Temeneno bantile, “Pelenggenemokai doi mian motaat doiya-Ku baikon yanila sanaango tukon salamat, yanila rasakanggene konapo limang hasilo. 11Bai komian molokis toupiyo kosilakaan! Konapo kinubaiyan pokakana konapo kubaiyano lokis komian bailon.
12Komian mobiasa bangakakon tukon momakaan doy yanila lailainggene Dakuumat.
Sasaibino komo katuaiyo Dakuumat yanila akakene sampe akimo napo toiyo konapo loloon linoloy.”
Temeneno adiliyo Kona umat
13Ko Temeneno batotobomo sulano nagugate tukon naadiliyo Kona umat. 14Ko Temeneno kubaiyo kotindakan sulano naadiliyo sasaibino komo katuaiyo Kona umat. Naiyamokai ko Temeneno natuduhan motuuk doi yanila: “Komuyumokai komo ndikuke koasi anggur hasil-hasilo; kopo bonua moono tukon lolonggu komuyu molambase luwedoi mian motalalais. 15Bulaando komuyu molailainggene Dakuumat tukon komian motalalais komuyu akakene? Yaku, Temeneno Moinakatandak Tuuno tukon Mobabasal Konakuasa lapamo bantile.”
Poingotii motuuk doi boiboine Yerusalem
16Ko Temeneno bantile, “Sombong tuuno koboiboine doi Yerusalem! Yanila todudul bagaya, kilayo babonggoti tukon napo ampakon sombong. Konapo lenggang tongo kinukinubai, tukon palandiling koalalo konapo kulaluk doi ainoila. 17Bai Yaku naikon hukume yanila; koolunoila moono tukon takatol tobikon doiya sio nadinalulu.”
18Naikon kalu laate kotempono ko Temeneno alayo sasaibino koboiboine doi Yerusalem nahiasan-hiasan yanila mobabanggaakene: doiyamo pokoot olunoila, kulaluk doi ainoila, inoon, 19kulaluk doi limanoila, 20toik potutup dudusoila, toik potutup olunoila, ajimat-ajimat doi limanoila tukon doi owakoila, 21sousolut tukon anting-anting doi ngooloila, 22pakean momono-monondok, dompet, 23kalambi momanipi, pakean lenan, pokoot bulungoila tukon potombuki olunoila mobulusan.
24Budodoiya konapo pinake minyak-minyak mobabangi, bai nalaate kotempono koboonoila teali boowan. Konapo poboboi owakoila moalus sinoboli tukon putal mokasar. Koolunoila kobuuko momonondok naikon dinalulu. Konapo pakean momono-monondok naikon sinoboli tukon rombengan. Budodoiya yanila tambongan; bai naikon kondodoongoila teali lokis sabab binee cap.
25Komala-malane, koidan mobukuan, naikon mate doi polobosian lalomo. 26Doi kota tataapono mobabasal komian naikon susa tukon kokiil, tukon dokotadoo susuungo pokakana koboiboine molinalau moosulang doi buta.
Currently Selected:
YESAYA 3: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
