YESAYA 2
2
Damean mokekal
(Mik. 4:1-3)
1Naiyamokai ko Mian Bisa nateteba tentang Yehuda tukon Yerusalem Yesaya Amos napau motarimayo:
2Doi oloyo-oloyo salaando
kobunggo bungkokono ko Temeneno Na Bonua
natangabosan tatandak tuuno
tukon tongokokondong moloyos
doi bunggul-bunggul tukon doi bunggul bunggono.
Sasaibino kobangsa lubat indaa,
3yanila sasaibino bantile,
“Mai nda liba doi Temeneno na Bunggul Bunggono,
doi Israel miano na Mian Bisa Nabonua.
Yana naikon otunggukene doi kita oila komo sio nda lakukene.
Kita sio ndaloingiyo Kona loloon,
sabab ko Temeneno Naotunggul kona lubatan luwedoi Yerusalem,
Yana basilingan luwedoi Sion.”
4 #
Yl. 3:10; Mik. 4:3 Yana komo hakimiyo sasaibino kobangsa,
tukon komo putusiyo sasaibino kobangsa bense-benseno naurusan palakala.
Kosabel tinutuk teali bajak,
tukon kokalait tinealikon piso potuwosii kayung langaano.
Kobangsa-bangsa akimo naikon napolobosi,
tukon koidan akimo napo bato-batotobo mopolobosi.
5Eh, Yakub nakaturunan,
mai nda ambakon doi Temeneno namadialanan!
Mian mobabanggaal naikon inakabus
6Oh ko Mian Bisa, Ikoo otunggulemo Komuumat, doiyamo Yakub nakaturunan! Sabab doiyayaamo doi tano nia daano komian mopakeyo komotoiyan molokis moluwedoi tolopot tukon komo luwedoi Filistin miano. Komian tongo moloingikon komian molulubaton naadat istiadat. 7Konapo tano moono suasa tukon mosoni, tukon konapo buat badaang tuuno. Konapo adalan badaang tuuno, tukon konapo kereta akimo natangait konakadaang. 8Doiyayaando daano komian mobapilogotan, yanila sosubaiyo kotimbalang yanila mokubai.
9Sasamba komian naikon tinotulai tukon inekepende konatuboan. Tobikon doiya oh Temeneno inaimo moompuniyo yanila!
10 #
Ink. 6:15; 2Tes. 1:9 Yanila naikon usok doi bunggul bunggono leengo, kai yanila makali bitu doi buta lalomo sulano napo tongosodii doi Temeneno nanggimalan tukon luwedoi Konakuasa mobabasal. 11Komian mobabanggaal naikon ineke pende konapo tuboan tukon komian mobatibantinggai inu-inulongii. Tongo Temeneno tolong komo inakabasal. 12Kalu nalaate kooloyono ko Temeneno Mobabasal Konakuasa naikon ekependeyo sasaibino komian moakatandake kodilino tukon ukume sasaibino komian mobabanggaal tukon mobatibatinggai. 13Kokauwalu-kauwalu batango motatandak doi Libanon tukon sasaibino kokayung batango mobabasal doi Basan naikon inakate kabus. 14Kobunggul-bunggul tukon bunggul bunggono motambongan naikon kinesea. 15Komenara-menara motatandak tukon kobenteng-benteng meselo naikon linombo. 16Kokapal-kapal mobabasal tuuno tukon momonondok tuuno naikon inanggalaup. 17Komian mobabanggaal naikon inekepende konatuboan, tukon komian mobatibatinggai naikon inu-inulongii. Tongo Temeneno tolong komo inakabasal. 18Kopilogot-pilogot inalapuso.
19-21Doi tempo ko Temeneno naokitakangganano Konakuasa tukon naunggotano kodunia, komian naikon usok doi bunggul bunggono leengo kai makali bitu doi buta lalomo sulano napo tongosodii luwedoi Temeneno nanggimalan tukon luwedoi Nakuasa mobabasal. Kalu naikon laatemo doi oloyodoo, kotimbalang yanila mokubaiyo moluwedoi suasa tukon mosoni yanila mososubaiyo naikon yanila otinggalemo tuuk doi bukoti tukon oniki.
22Jadi, inaikai nda moini doi manusia, sabab ko manusia akiyo koanggano.
Currently Selected:
YESAYA 2: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
