Surona Pueꞌ Iesu 20
20
Paulu lao wopiꞌi i tampoꞌraꞌ toIunani
1Karoona pohiho i Epesu, Paulu mokióꞌheꞌ tauna to mepoinálái i Iesu bona hirámpuheꞌ, hai napakaróhó laluraꞌ. Roo onoꞌ, ia mepálákáná miꞌi haneꞌi mopaliliu polumaona lao i tampoꞌ Makedonia. 2I polumaoána iti,#20:2 Tempóna Paulu ara i tampoꞌ Makedonia, ia moukiꞌ wopiꞌi hambuaꞌ sura i toSarani to toroꞌ i kótá Korintu (básá 2 Korintu 7:5). Sura iti 2 Korintu. ia mehupeꞌ moweoꞌheꞌ toSarani, hai mopahaweꞌáheꞌ handaꞌ laluita bona maróhó laluraꞌ. Hangko ionoꞌ, ia lao wopiꞌi i tampoꞌ Akaia, tampoꞌraꞌ toIunani,#20:2 Tampoꞌ Akaia hanggáláꞌ hangko i tampoꞌ Iunani, tándáꞌ i wóiꞌ. Babilaꞌ kahandaꞌna tempóna Paulu i Akaia iti, ia toroꞌ i kótá Korintu. Mouláꞌ handaꞌ tauna to mapánde motasere Ngkóráꞌna Pueꞌ, tempóna Paulu ionoꞌ, ia moukiꞌ sura to napakatu i toSarani to toroꞌ i Roma. 3hai toroꞌ ionoꞌ tálu wulána kamaruena. Roo onoꞌ, ina mesuleꞌ lao i tampoꞌ Siria hai duanga tahiꞌ, agáiáná nahádi bámbári kaꞌina rapapatena toIahudiꞌ, onoꞌ miꞌi haneꞌi nabutusi ina mesuleꞌ moliu tampoꞌ Makedonia. 4I polumaona iti, araheꞌ woꞌo bahangapa tauna to mamporángá.#20:4 Básá Roma 15:25-28; 1 Korintu 16:1-4; 2 Korintu 8:1–9:15. Hangaꞌraꞌ: Sopate#20:4 Sopate: Babilaꞌ hibali hai Sosipate. Básá Roma 16:21. ánáꞌna Peru to hangko i wánuá Berea, Aritaku#20:4 Aritaku: Básá Suro 19:29; 27:2; Kolose 4:10 hai Pilemo 24. hai Sekundu to hangko i kótá Tesalonika, hai Gaiu#20:4 Gaiu: Babilaꞌ Gaiu iti montaniꞌ hangko i Gaiu to hangko i tampoꞌ Makedonia (básá Suro 19:29) hai Gaiu to hangko i kótá Korintu (básá 1 Korintu 1:14). to hangko i kótá Debe. Ara woꞌo Timotiu {to hangko i kótá Lisitera i tampoꞌ Galatia},#20:4 Timotiu: Básá Suro 16:1-4; 1 Korintu 16:10-11; Pilipi 2:19-23, hai surana Paulu i Timotiu. Tikiku#20:4 Tikiku: Bahangapa kánina ia to moánti surana Paulu. Básá Epesu 6:21-22; Kolose 4:7-9; 2 Timotiu 4:12; Titu 3:12. hai Toropimu.#20:4 Toropimu: Ia toEpesu, tiꞌara toIahudiꞌ. Ánti kaꞌiana hingkakani hai Paulu i kótá Ierusale, Paulu rahakaꞌ. Básá Suro 21:29. Básá woꞌo 2 Timotiu 4:20. To rodua iti to hangko i poropensi Asia. 5Mewaliꞌ, hangko i tampoꞌ Makedonia, hira iti moduangaheꞌ moioru haneꞌi kaiꞌ {Paulu hai Lukasi}, rapegiáꞌangkaiꞌ i kótá Teroasi. 6Liu miꞌi alo mahileraꞌ toIahudiꞌ to rahangaꞌ Posusa Rótiꞌ to Tiꞌara Raragiꞌi, pohuꞌangkaiꞌ hangko i kótá Pilipi, mengkaheꞌangkaiꞌ i duanga tahiꞌ. Moduangaꞌangkaiꞌ lima alona haneꞌi mohidupaꞌangkaiꞌ hai rángángkiꞌ iti i kótá Teroasi, hai toroꞌangkaiꞌ ionoꞌ haminggu kamaruena.
Eutiku manawoꞌ hangko i sungkekeꞌ
7Káindina i alo Minggu, hirámpuangkaiꞌ hingkakani hai halalu hampepepoináláingkiꞌ i kótá Teroasi, hai mandeꞌangkaiꞌ rótiꞌ pambuhinaoángkiꞌ kamatena Pueꞌ Iesu. Paulu mepaturoꞌ duuꞌna marue wengi, láwiꞌ kahalona ina pohuꞌ miꞌi. 8Támbi iti mapángkáꞌ, hai hirámpuangkaiꞌ i lintuꞌ to i wongko ntepuꞌu. Handaꞌ palita rahunu. 9I kahirámpuángkiꞌ iti, ara hadua ánáꞌntomoane to rahangaꞌ Eutiku. Ia mehoda i sungkekeꞌ. Sungkekeꞌ iti, katáluna usuna hangko i tampoꞌ. Tangaꞌna Paulu mepaturoꞌ, ánáꞌntomoane iti malelue miꞌi duuꞌna letaꞌ, onoꞌ haneꞌi manawoꞌ hangko i sungkekeꞌ tóá i tampoꞌ. Mendáuluheꞌ rángána lao moángkáꞌ ánáꞌntomoane iti, mole mate miꞌi. 10Agáiáná mendáulu woꞌo Paulu lao mopalumbángi ánáꞌntomoane iti, haneꞌi nakápui, nauliꞌ, “Ineeꞌkou malááꞌ. Ia tueꞌ mani.”#20:10 To nabábehi Paulu hungkuꞌ hibali hai apa to nabábehi nabiꞌ Eliá (básá 1 Datu-datu 17:21), nabiꞌ Elisa (básá 2 Datu-datu 4:34-35), hai Peturuꞌ (básá Suro 9:40). 11Roo onoꞌ, mengkaheꞌ miꞌi huleꞌ Paulu lao i wongko mobiseꞌ-biseꞌ rótiꞌ, hai mandeꞌheꞌ hingkakani. Mepaturoꞌ wopiꞌi Paulu duuꞌ mabaa, hangko pohuꞌ riꞌi. 12Ánáꞌntomoane to manawoꞌ iti tueꞌ miꞌi, hai raꞌánti lao i támbina. Góeꞌheꞌ upu-upu hai lindó laluraꞌ.
Hangko i kótá Teroasi lao i kótá Miletu
13Moiorumongkaiꞌ mengkaheꞌ i duanga tahiꞌ lao i kótá Aso, bona kipohidupaꞌá Paulu ionoꞌ. Iti to napakanótó ami Paulu, láwiꞌ napoinao molumao lao i kótá Aso.#20:13 kótá Aso: Hangko i Teroasi lao i Aso, tálu puloꞌna hai rokiló kakaraoꞌna ane molumao i tampoꞌ, hai uwalu puloꞌna kilómete ane moduanga. 14Mohidupaꞌangkaiꞌ i Aso, hai Paulu mengkaheꞌ hingkakani hai kaiꞌ lao i kótá Mitilene.#20:14 Mitilene ia miꞌi kótá i puló Lesobo. 15Hangko ionoꞌ, kipaliliu polumaongkiꞌ, hai kahalona haweꞌangkaiꞌ i tampoꞌ to mombehambali hai puló Kio. Karombengina, haweꞌangkaiꞌ i puló Samoso, hai hangalo hangko ionoꞌ, haweꞌangkaiꞌ i kótá Miletu. 16Paulu mopakanótó katiꞌarangkiꞌ sieruꞌ mehupeꞌ i kótá Epesu bona tiꞌaraꞌangkaiꞌ gaga marue i poropensi Asia. Naundeꞌ mopakawiáꞌ polumaongkiꞌ, bona poloꞌangkaiꞌ haweꞌ i kótá Ierusale hangko tiꞌara mani alo mahile to rauliꞌ Alo Pentakosta.
Awilina Paulu i tadulakoraꞌ toSarani to ara i Epesu
17Hangko i kótá Miletu, Paulu mohuoꞌ hadua tauna lao i kótá Epesu, membiáꞌ bona tadulako-tadulako jemaꞌa laoheꞌ mampohidupaꞌá Paulu.#20:17 Babilaꞌ duanga iti mengkaroo bahangapa alona i kótá Miletu láwiꞌ ara inántina to paraluu ratáurá ba rapopengkaheꞌ. Miletu iti lima puloꞌna hai ini kilómete hangko i kótá Epesu. 18Haweꞌmoheꞌ i Miletu, nahángáꞌáheꞌ Paulu, “Halalu-halalu, niꞌisá ntepuꞌu noumbá rárá katueꞌkuꞌ tempóngkuꞌ toroꞌ i oloꞌmi. Hangko i rungu-runguna kahaweꞌkuꞌ i poropensi Asia duuꞌna haweꞌ deꞌe-deꞌe, 19mengkaiwóiꞌaꞌ i lalu pobágóꞌkuꞌ i oloꞌmi, hai handaꞌ kánina teriaꞌaꞌ i pampopolumaongkuꞌ bágóꞌna Pueꞌ ieneꞌ. Handaꞌ woꞌo kapári to kulámbiꞌ láwiꞌ handaꞌheꞌ toIahudiꞌ to mampoinao mopapateaꞌ. 20Niꞌisá halalu-halalu, katiꞌárángkuꞌ luleꞌ mopahaweꞌákou hinángkáꞌna to mobunduꞌ i lalu katueꞌmi. Kupaturoꞌkou, maroꞌa i poromu-romuámi, maroꞌa i támbimi. 21Kupopaingáꞌákou oaꞌ, maroꞌakou toIahudiꞌ, maroꞌakou toIunani, bona mampenosoꞌikou dósámi i lindoꞌna Pueꞌ Ala, hai mepoináláikou i Pueꞌtaꞌ Pueꞌ Iesu.
22Deꞌe-deꞌe ina laoaꞌ i Ierusale ánti pokalena Inao to Magasaꞌ. Tiꞌara mani kuisá ba apa to ina mewaliꞌ i wátángkuꞌ ionoꞌ. 23Agáiáná to kuisá ia miꞌi: i upu-upu kótá to kupoliui, napakanótó Inao to Magasaꞌ bateꞌkuꞌ ina ratarungku hai molámbiꞌaꞌ kapári. 24Kehapiꞌ noꞌonoꞌ, tiꞌara mpuꞌu kukahiaꞌ wátángkuꞌ, asalaꞌ peisáꞌaꞌ moparoo bágóꞌ to napoináláiáꞌaꞌ Pueꞌ Iesu.#20:24 Bahangapa parena hangko ionoꞌ, Paulu moukiꞌ i Timotiu: “Kupahópóꞌ miꞌi upu-upu bágóꞌ to naweꞌiaꞌ Pueꞌ Ala.” Básá 2 Timotiu 4:7. Bágóꞌkuꞌ deꞌe, mopahaweꞌ Ngkóráꞌ Marasa to mopatongawaꞌ kabulána laluna Pueꞌ Ala i kitaꞌ.
25Mewaliꞌ halalu-halalu, tempóngkuꞌ meweoꞌ i kómu bahangapa parena to liu, kupopaisáꞌámokou kana i popárentána Pueꞌ Ala. Agáiáná manótó miꞌi i lalungkuꞌ, katiꞌárángkuꞌ piꞌi ina niꞌita.#20:25 Babilaꞌ hangkani mani Paulu lao i kótá Epesu (básá 1 Timotiu 1:3) tempóna rakábáhá hangko i tarungku i Roma rungu-runguna. Rekeꞌ-rekeꞌna rompare hangko ionoꞌ, ia ratarungku wopiꞌi haneꞌi kahópóꞌána rabóhóki tambólóna. 26Onoꞌ miꞌi haneꞌi kupahaweꞌámokou ami alo deꞌe: ane arakou to tiꞌara molámbiꞌ katueꞌ to maroꞌa to tiꞌara mokahópóꞌá, tiꞌara salaꞌkuꞌ, 27láwiꞌ tiꞌaraꞌaꞌ luleꞌ mopahaweꞌákou upu-upu tunggáiána Pueꞌ Ala i kómu.
28Maingáꞌ-ingáꞌkou bona tiꞌarakou madósá, hai nikádipurá maroꞌa jemaꞌa to napoináláiákou Inao to Magasaꞌ, nodo hadua topoewu mampoewu dimbána. Hangaa-ngaa nikádipuráheꞌ, láwiꞌ Ánáꞌna Pueꞌ Ala mate mobaiari huku dósáraꞌ bona hira mewaliꞌ taunána Pueꞌ Ala. 29Kuisá halalu-halalu, ane pohuꞌaꞌ hangko ieneꞌ, bateꞌna ina haweꞌheꞌ tauna to kadake to mampopeahiahiꞌ tauna to nipoewu iti, nodo serigala mohakaꞌ dimbá. 30-31Maingáꞌ-ingáꞌkou, láwiꞌ araheꞌ woꞌo tauna hangko i oloꞌmi to ina mopawuli tauna to mepoinálái i Iesu moliu paturoꞌraꞌ to salaꞌ. Ina rabábehi noꞌonoꞌ bona raꞌántikou hingkakani i rárá to mepakanawoꞌ. Nibuhinao halalu-halalu, tálu parena kamaruena, tiꞌaraꞌaꞌ mengkangkaroo mopaturoꞌkou hadua-hadua, maroꞌa mabaa, maroꞌa káindi, hai handaꞌ káningkuꞌ moteriahikou.
32Deꞌe-deꞌe halalu-halalu, mekakaeaꞌ i Pueꞌ Ala bona Ia mokádipurákou. Kupembiáꞌ bona mampeuláꞌikou oaꞌ ngkóráꞌna Pueꞌ to mopakanótóákou noumbá kabulána laluna Pueꞌ Ala i kómu. Láwiꞌ Pueꞌ Ala peá to makuasaꞌ mopakaróhó lalumi hai mampoweꞌikou sosora#20:32 mampoweꞌikou sosora: Básá Matiu 25:34; Suro 26:18; Roma 8:17; Epesu 1:13-14,18; Kolose 3:24; Iakobu 2:5; 1 Peturuꞌ 1:4. to Napatimama miꞌi ami i tauna to Napataniꞌ mewaliꞌ ánáꞌNa to magasaꞌ. 33Tiꞌara kupokaelu párewána tauna, nodo peráꞌ, buláwá ba waruꞌ. 34Niꞌisá miꞌi, halalu-halalu, biásá mobágóꞌaꞌ hai taengkuꞌ haduduángkuꞌ, bona kubuku mohóló hinángkáꞌna to kuparaluu hai to raparaluu woꞌo rángángkuꞌheꞌ. 35I pákáꞌ-pákáꞌna iti, mewaliꞌaꞌ pándiriꞌ i kómu, bona niꞌisá rárá mobágóꞌ motulungi tauna to tiꞌara rabuku. Nibuhinao oaꞌ laluitana Pueꞌ Iesu to manguliꞌ, ‘Morasiꞌ mani tauna to mampeweꞌi haneꞌi tauna to motarima.’ ”#20:35 Laluitana Iesu iti tiꞌara teukiꞌ i Ngkóráꞌ Marasa, agáiáná handaꞌ to Nauliꞌ tiꞌara woꞌo teukiꞌ. Básá Iohane 20:30-31; 21:25.
36Karoona Paulu molaluita, molingkudu miꞌi hingkakani hai upu-upu rángána to hangko i Epesu, haneꞌiheꞌ mekakae. 37Ánti kawiororaꞌ, teriaꞌmoheꞌ upu-upu, Paulu rakápui hai raꞌángki. 38To mopamasusa ntepuꞌu laluraꞌ, laluitana Paulu to manguliꞌ tiꞌara piꞌi ina raita. Hangko ionoꞌ, Paulu raporángá duuꞌna mengkaheꞌ i duanga tahiꞌ.
Currently Selected:
Surona Pueꞌ Iesu 20: NTBEP
Highlight
Share
Compare
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.
