2 TESALONIKA 3
3
Atakam Allah dara bajanimtam atakam
1Dajoo owe akot! Wan atakam takaam asinta. Tare atakam Allah dara ajanimtamaroay. Era samaniin samaniin owe, Tuhan atakam jane fef bajitas. Oweam ara atakam jane akot bajitas— era atakam jane ajiekem pak emes tamena. Era pak atakam Allah ajanimay. 2Allaham bantem dara bataiemtaro. Ara jokoman oweam, ara asan pota oweam, dera bajurusum-ombar. Dare wan owe, Allah Akot Atakam eemnak bamesemkorom apok apormarom. Tare emes atakam Allah bajanimtamaroay.
3Emesare, Tuhan turunak Ipit. Armat Ipit jak fiak tara atetamteman. Are bantem tara ataiemteman. Ara Jokoman Ipit tara bajurusum-ombar. 4Tuhan dare tara basitim, emes bimak binip atetammaro. Dararawa, emes bimak binip atetarammarom: “Era Tesalonika Yesus bajamkai owe daatakam ji aeemas. Are ara atakam ji aeaartemas.” Emes bimak binip atetaramaaremarom.
5Dere atakam Tuhan ajanimemin. Armat Ipit tare Allah bafaimkorom, emes bimak binip tara batetamtan. Are tare Kristus ji baeemkorom, emes bimak binipam tara batetamtan. Dere emes atakam Tuhan ajanimemin.
Yesus bajamkai owe takes, karai baetas atakam
6Dajoo owe akot! Me wan Yesus bajamkai owe, bamesem aemapemas. Erarawa era owe, ara aememtamom atakam aooemas. Emesare, Tuhan Yesus Kristus atakam asakamtamero. Erarawa danom atakam tara asakamtammarom: Tare era owe bajambetem bas. 7Dare tare takan aemapaarum, dare bamesem apok aemapaarum. Tare era aemapaarum pak emes tamen aemay. Tanom emes tamsam. 8Dare tare takan aemapaarum, dare era atetameruekem banda pak bambi banda apok. Dare era amos ajitinom. Dare jokam, eamam, karai daytinak aeaarum. Dare tara bajurusumemom-ombar. 9Me amos bambi bataen, ere dapak arare. Me, era aemaarum pak, tara bataketam pak arare. 10Dare tare takan aemapaarum, dare atakam asakamtama ajaiom: “Owe, karai pota ajitas, era owe amos banda bas.” Emes atakam aesima ajaiom.
11Atakam jane ajiom, tare wan owe bamesem aemapmakamen. Era oweam karai apok aemapmasen. Are owe atakam jane taka afeomepmasen. Anom owe atakam ban atomemasen. 12Emesare, Tuhan Yesus Kristus atakam asakamtamero. Erarawa danom atakam ara owe asakamtammarom. Danom ataane fiak ara owe aoweomom. Emesare, ara owe karai tiruu baetas. Are apa banda pak bandetas.
13Dajoo owe akot! Tare ere, ara akot pak baemaar jarofefe bajie bas. 14Wan owe, ara aemansa surat atakam ji bae pota ajitas, tare era owe banamek fiak ataiomay. Tararawa, era owe bajamkai bas. Erarawa era owe damke akeaptemas. 15Me, tare era owe, jii owe emes tamen baem bas. Araye taraye Yesus ajamkaimakam owe tarare. Erarawa tare ara owe ataane aweomay.
16Tuhan ere, daji baem jak batetam Ipit. Asan akot aemaptakam apaye, asan pota aemaptakam apaye, Armat Ipit ji baem jak tara batetamaartan. Armat Ipit tare takan baemaptan.
17Emesare. Dere ara aemansa atakam kope, surat dema aeapommin. Dere dejuas, desurat takes, emes ji eto wao aeapomtamen.
18Yesus Kristus daTuhan, asan akot, tare takes boemkoromtan.
Currently Selected:
2 TESALONIKA 3: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
