2 YOHANES 1
1
2 YOHANES
Aometemot Aeapome Surat
1Ao! Dere Yesus basitim bajarisiap armat ipit. Dere ara aemansa surat wonom, worereisam, aeapomtammin. Me Allah wora aeremtaeren. Denom tara afaimmin. Me, de taka apok. Era anakotnak Allah amsam owe takesam tara afaimman. 2Allah dajak bomon aemapmaro. Are da takan aemapaartemaro. Emesare, dere tara afaimmin.
3Daritipit Allaham, Andep Yesus Kristusam, asan akot dara atetamtemaroas. Are soro dara ajiomemtemaroas. Are ji baem jak atetamtemaroas. Are era pak aemapom atakamnak damsam oweam, aemapom ajamfaimammarom oweam, aemtemaroas.
Kristus atakam ji baeaar atakam
4Daritipit Allah abaememtam atakam ji baeaar, atakam asakamtamero. Erarawa dere wan worereis, abaememtam atakam ji bae aporo, denom jak akot aememo. 5Ao! Dere atakam wora bajanimpor. Dare takes ajamfaimamamo. Era atakam ai atakam apok. Ara surat wora aeapomtammin basakamtam atakam, era bonaknak jane ajiaarum atakam taka are. 6Owe afaimemas owe, Allah basakamtam atakam ji aeaaremas. Allaham, “Tare afamfaimamaaray,” emes atakam asakamtame. Tanom bonaknak ara basakamtam atakam jane ajiaarukum.
7Potet batutum owe tanane, ara tapirmi takes emeesoses. Era oweam, “Yesus Kristus asamot ipit ajaoreme,” emes atakam bakore apok aemas. Emes owe potet batutum owe. Are Kristus ajokoman owe erare. 8Tanom turunakar! Era jati aeaarukum pak bapakapios-ombar. Allah tara batetam aememman pak takes, ataetkoromay.
9Owe, Kristus aememtame atakam aofetas, wanam aatakam ji baeaar apok aemtas, era owe Allah takan baemem apok. Era atakam ji aeaaremas owe ere, Allah takan aememmas. Anom Allah Andep takan aememmas. 10Owe tara ajinaomemtan, wanam emes baememtam atakam batoomjinao apok aemtas, tanom era owe tame batoomjii bas. Tanom era owe “selamat” bajie bas. 11Era owe, asan pota pak baem owe erare. Erarawa owe era owe “selamat” ajitas, are era owe apota pak takan aemtemas.
Asep atakam
12Dere wan atakam tanane tara bakoretam aemin. Me, dere era atakam, surat baeapom pota. Dere jaki tatapirmi dema bajinao, ere akot. Dare atakam bipu baesimtam akot. Erarawa dare jak akotnak aememtemarom.
13Allaham wurmasi aeremtaere. Wurmasi arereisam selamat atakam tara akoroman.
Currently Selected:
2 YOHANES 1: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
