2 KORINTUS 9
9
Kristus bajamkai owe uang bajarisimapom atakam
1Emesare, dare, tare asan akot era turunak owe baem, surat baeapom apok. 2Tare, pi era owe bajat, jak aseserommakam apormin. Denom, tare owe akot, atakam era Makedonia owe akoromo. “Era Akaya owe, era bonak aemapom tahun, era uang bajarisimapom, atakam emejamsakamamtiies.” Emes atakam aesimo. Wan owe tananeam, tajak aseserommaam pak apores. Ararawa, ta tamen baem, akot ajies. 3Emesare, dare, “Era Akaya owe akot,” emes atakam akoreom. Me, dere dejoo owe bamintep taasan ataejinaomtamtemin. Era akoreom atakam bambi atakam baemames-ombar. Tanom era uang ajarisimapomkoromtakam, era akoreo atakam jipu. 4Me Makedonia owe dere takan tara ajinaomemtan apaye, are tare era uang bajarisimapom apok bapor-ombar. Emes aemtas apaye, ere dere damke akemtemin— ere tare owe akot, emes atakam fiak akoreom are. Ere, tanom damke akemtemakam. 5Emesare, dere bimak binip atetaramo: “Ara dejoo owe, Korintus bonak bajirtas. Dere era owe emes atakam ajanimtemin. Derarawa, era asan asep ajirtemin. Me Korintus owe, pak daytu era asan pota owe batetam, ataaji aees. Me dejoo owe era owe era pak ainam bajarisimapom, atakam bakoretas. Wanam ajinaotey ere, era uang emejarisimapomes.” Emes atakam aesimo. Emesare, tare uang bonak ajarisimapomtakam apaye, owe tare era uang owe batetam jak aseserommakam aportemas. Are owe tare era pak baem atakam basakamtam apok aportemas.
6Tanom bimak binip ajanimomay. Kebun karai ipit eek tanane apok ajapomto, asep barerawa, eek tanane apok ataentem. Me, eek tanane ajapomto, eek tanane ataentem. 7Owe poreemema ajies era atakam amba asakamtiiteteres jipu, pak batetamtas. Anom era pak batetam jak pota bas. Anom pak owe batetam atakam basakamtam jane ato batakamjie, wanam pak era owe batetam— emes bas. Emesare, Allah pak batetam jak akot owe, afaimum. 8Allah, asan akotnak tara batetam, emes fiak pak aemome. Tararawa, pak apok baemap apok aemtemakam. Tanom wan pak owe atetamtemakam. 9Ere Alkitab atakam jipu:
“Armat Ipit pak sai asaietameme. Are pak era pak apok owe atetamum. Are asan akot, owe aemaareme.”
Emes atakam aeapoma. 10Allah, eek era eek bajapom owe atetamum. Are banda pak atetamum. Emesare, Are eek tara atetamtan emes tamen are. Are era eek ajitemto emes tamen are. Ararawa, tare owe asan akot aoemtakam pak akakaimtem. 11Are pak daytu tara aotetamteman. Erarawa tare owe, sai ban se basaietam are. Erarawa dare era atetamtakam uang atoomjirtamtam, era uang ataettas owe, terima kasih atakam Allah akoromtemas. 12Era atetamtakam pak, ere, owe asan akot baem are. Oweam terima kasih atakam Allah daytinak akoromtemas. 13Tare era pak sai asaietamtakam, tare Kristus bajamkainak aporomtamtemakam. Tanom, “Dare Kristus Akot Atakam eemnak apormarom,” emes atakam aesimekem. Oweam tare era atakam ji baeekorom aportemas. Are tare pak sai daytu, armat oweam, era wan owe takesam, basaietam aportemas. Erarawa are Kristus atemtemtemas. 14Allah, ere, asan akot daytu tara atetamen. Era owe emes aportas, are tare daytinak afaimteman. Ararawa, atakam Allah tara ajanimtamteman. 15Me Allah atetame pak, ere akotnak. Erarawa dare era pak atakam baemekorekorom asan apok. Emesare, dare terima kasih atakam Allah akoromamo.
Currently Selected:
2 KORINTUS 9: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
