Popular Bible Verses from 2 KORINTUS 9

Share

Allah, asan akotnak tara batetam, emes fiak pak aemome. Tararawa, pak apok baemap apok aemtemakam. Tanom wan pak owe atetamtemakam.

Owe poreemema ajies era atakam amba asakamtiiteteres jipu, pak batetamtas. Anom era pak batetam jak pota bas. Anom pak owe batetam atakam basakamtam jane ato batakamjie, wanam pak era owe batetam— emes bas. Emesare, Allah pak batetam jak akot owe, afaimum.

Tanom bimak binip ajanimomay. Kebun karai ipit eek tanane apok ajapomto, asep barerawa, eek tanane apok ataentem. Me, eek tanane ajapomto, eek tanane ataentem.

Allah, eek era eek bajapom owe atetamum. Are banda pak atetamum. Emesare, Are eek tara atetamtan emes tamen are. Are era eek ajitemto emes tamen are. Ararawa, tare owe asan akot aoemtakam pak akakaimtem. Are pak daytu tara aotetamteman. Erarawa tare owe, sai ban se basaietam are. Erarawa dare era atetamtakam uang atoomjirtamtam, era uang ataettas owe, terima kasih atakam Allah akoromtemas.

Me Allah atetame pak, ere akotnak. Erarawa dare era pak atakam baemekorekorom asan apok. Emesare, dare terima kasih atakam Allah akoromamo.