2 KORINTUS 11
11
Pote karai baetam owe atakam
1Emesare, tare dere jak jirao aemporani. Dere jaytu kope emes tamen atakam tara akoretemin. Me, tare jak jirao dera aemommankum apormin. 2Emesare, dare tare itim akemmin. Allah era itim bimak binip dera atetamen. Dere, tare asan pota apok aitawais tapes tamen, ooreysai, jipit taka batetam, ataaji aeo. Era ipit ere Kristus. 3Bonaknak ere, amber Hawa potet atutumen. Owe, tare emes bimak binip jaos batetaram, pote tara aemteman apeno. Tararawa, Kristus bafaimkorom ambompimtemakam apeno. Dere emes ombare aememmin. 4Owe tara ajinaomen, wanam apa Yesus, tara akoretamen. Me Yesus ere, daokoretamom Yesus apok. Emesare, tare jak akot aptamam, jak jirao aptamam, era owe aatakam jane ajiekem. Tanom wan jip ataetekem. Ere bonak ataetekem Allah Jip apok. Tanom wan “akot atakam” ajamkaiekem. Ere bonak ajamkaiekem Allah Akot Atakam apok.
5Me wan Yesus atakam bakoretam bamirimemom owe, “akotnak” emes apaye, wanam dere pota emes apaye, emes ape? Debimak binip ere, emes apok. 6Dere Yesus atakam bakoretam tastu ipit apok apeno. Dere ere, Allah atakam demsam. Juiin afaafemaram, era samaniin samaniinam, dare emes pak tara aporomtamom.
7Dere Allah Akot Atakam bambi tara akoretamo. Dere tare juas aptam owe bataemom akot ajio. Erarawa dere juas apok ipit emes tamen aememo. Era aemo pak pota ape? 8Dere atakam tara aememtamaarin ere, wan samaniin samaniin Yesus basitim bajarisiap owe, uang dera ataejinaomtamenis. Dere era uang ataeto ere, era owe uang tasa aeo emes tamen are. Me, era pak asan akot bambi tara baem are. 9Denom tare takan aemapaarin ere, wanam pak apok aemapo, dere asan pota tara baem apok aemo. Me, Makedonia Yesus bajamkai owe ajinaomenis ere, are pak atoomjinaotamenis. Bonak ere, dere asan pota tara baem apok aemo. Era ju afaafetoam, dere asan pota tara baem apok aemtemin. 10Owe, dere emes aemmin pak atakam, era Akaya tapirmi samaniin samaniin owe bakore, baemekarimem asan apok. Emesare. Kristus atakamnak ipit aemapomen. 11Dere era atakam Akaya tapirmi samaniin samaniin owe bakore ere, wama tamenem? Dere tara bafaim apok ape? Emesare, Allah, dere tara afaimmin amsam.
12Era wan owe atakam daytu akoremas. “Dare Paulus aemmar pak, ere emes tamen aemmarom.” Emes atakam aesimemas. Dere ere, era owe emes atakam bakarimem, akot ajimin. Erarawa, dere era aemaaru pak aemaartemin. 13Era owe ere, Kristus atakam bakoretam bamirimemom owenak apok. Are pote karai bae owe. Are Kristus bamirimemom owe tamen aemememas. 14Tare ere, jinim bae bas. Bii Kapar Ipitam malaikat akotnak tamen aememe. 15Me Bii Kapar Ipit akarai baetam oweam, turu karai baetam owe tamen aemememas. Danom era pak jinim bae apok. Tuhan ere, era owe aememas pak jipu ajurusumtem.
Paulus ajiriseme atakam
16Emesare, dere era akorey atakam aokoremin. Tare, “Paulus jaytu,” emes bimak binip bas. Me, tare, dere jaytu ipit bimak binip atetaramtakam apaye, dere jaytu ipit tamen baemomemtan. Erarawa dere era aemaaru pak dema baemetemtem asan akot. 17Era akoremin atakam ere, Tuhan akoremar atakam tamen apok. Dere era aemaaru pak apormin, wanam dema aemetemtemmin. Era pak, dere jaytu ipit tamen atakam akoremin. 18Emesare, owe tanane era aemaaris pak aporemas, wanam asamot bimak binip jipu amba aemetemtemmas. Erarawa, denom era pak aemtemin. 19Tare bimak binip basonak owe apeno. Erarawa tare jaytu owe jak jirao aemmakam. 20Emesare, owe tare tau ataaen emes tamen are. Are tapak ataatmas. Are potet tara atutumeman. Are tare owe pota atakam akoremas. Are ta ake ajaperman. Tare ere, era owe jak jirao aemmakam. 21Dare ere, emes pak tara baem, jak fiak apok aememom. Erarawa dare damke akememin.
Me, owe amba baemetemtem jak fiak aememmas apeno. Emesare, denom dema baemetemtem jak fiak aememmin. (Dere ere, jaytu ipit tamen atakam akoremin.) 22Era owe Ibrani saman owe apeno. Emesare, denom Ibrani ipit. Are Israel owe apeno. Emesare, denom Israel ipit. Are Abraham arurupis apeno. Emesare, denom Abraham wurpis. 23(Emesare, dere jaytu ipit tamen atakam akoremin.) Era owe Kristus karai baeetam owe apeno. Emesare, era owe karai kope emes aetammas. Dere ere, daytinak aemin. Denom karai fiaknak aeaaru. Owe, dere buji tame ajiitaapoma ajienis. Oweam wusup tananenak ataaa ajienis. Denom dambir baemken, bare tanane aema ajio. Era owe ere, emes bajirisem bare tanane apok emes aemes. 24Me Yahudi oweam pitini dem wusup, bare ban taka atenis. Era bare wusup 39 ataaa ajienis. 25Oweam wusup pak wusup bare bamintep atenis. Are bare taka eka dedamo asampirimenis. Kapal bamintep ajamjuuo, era itimbup bwi aserosteteres. Bare taka, wan kapal aemese, dere jokam, eamam, era itimbup bwi aemeso. 26Dere era samaniin samaniin aesosaaru, dere wan asan, bwi daytu, asan pota aememo. Pak tasa bae oweam asan pota aemenis. Me Yahudi oweam asan pota aemenis. Era Yahudi apok oweam asan pota aemenis. Dere era kota tananeam asan pota aememo. Dere era tame apok asanam asan pota aememo. Dere era itimbup bwiam asan pota aemeso. Me Yesus bajamkai pote oweam asan pota aemenis. 27Denom karai daytinak aeaaru. Damojipnakam aemaaru. Eam tananeam dere ise baes apoknak aema ajio. Dere amostoam, bwitoam, aemapa ajio. Bare tanane banda pak apok aemapa ajio. Denom pakaian apok aemapa ajio. Erarawa damo jufu daytinak aemapa ajio. 28Emesare, dere era ajirisemaaru pak bajititimarkorom apok. Me, juiin afaafemar, dere era samaniin samaniin Yesus basitim bajarisiap owe, asan akot apaye, asan pota apaye, emes bimak binip daytinak atetarammin. 29Owe Yesus bajamkai fiak apok aemtas apaye, dere jak pota aememmin. Owe, wan owe dosa baem aemtas apaye, dere jak ambap aememmin.
30Emesare, dare kumiti aememaaru. Erarawa, dema baemetemtem apaye, dare era kumiti aememaaru pak dema emes aemetemtemmin. 31Emesare, Allah Yesus Kristus daTuhan Aritipit. Me Allah, era akoremin atakam, atakamnak amsam. Owe, Armat Ipit tere baeomaartas. 32Emesare, Damsik apakeosar tapirmi owe baomep ipit juas Aretas. Denom era kota Damsik aememo, era gubernur ipit, owe era kota tiri jimsap banamek batai, atakam asakamtame. Ere dera bajipirtaer are. 33Owe ere, dere era eka tiri jafa ataejisimenis, wanam tem ese bomon bap ataendaemenis. Erarawa, are dera bajipirtaer apok aemenis.
Currently Selected:
2 KORINTUS 11: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
