1 YOHANES 1
1
1 YOHANES
Bonaknak Aeapome Surat Owe juas “Atakam”
Allah sare atakam
5Emesare, Allah Andep, aatakam akoretamero. Dararawa, aatakamam tara aokoretammarom. Aatakam emes are: Allah sare. Armat Ipit, ere jiiti apoknak. 6Dare atakam aesimtetertam apaye, “Dere Allahtin akipimamtaermamum,” emes atakam aesimtetertam apaye, me, dare jiiti bomon aememtam apaye, ere dare pote atakam akoreteteremarom. Danom era atakamnak ji bae apok. 7Allah sare bomon aemapa. Danom era sare bomon aememtam apaye, dare darmamon ajamkipimamtaermarom. Wanam, Andep Yesus aesee, dadosa takes akokomosomtamaaremaro.
8Dare atakam akoretetertam apaye, “Dere dosa baem demsam apok,” emes atakam aesimtetertam apaye, dare potet damba atutumemmarom. Danom atakamnak apok. 9Allah era ataaji aee pak jipu aemum. Are turunak Ipit. Erarawa dare era aemom dosa, atakam baso Armat Ipit akoretam apaye, Armat Ipit ara aemom dosa, bimak binip ajanimemtamtem. Anom era aemom jaos pak takes akokomosomtamtemaro. 10Dare atakam akoretetertam apaye, “Dere dosa baem apok,” emes atakam aesimtetertam apaye, ere danom, “Allah pote ipit,” emes atakam aesimmarom. Aatakamam dajak bomon apok.
Currently Selected:
1 YOHANES 1: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
