1 KORINTUS 16
16
Uang bajarisimapom atakam
1Dere uang era Yesus basitim owe bajarisimapomtam, atakam era Galatia tapirmi Yesus basitim bajarisiap owe emesakamtamo. Emesare, tanom uang era owe ajarisimapomtamay. 2Me Hari Mingguiin, Hari Mingguiin, tare oweo aememayekem pak aeremtiitamay. Pak daytu ataerekem owe, pak daytu emes aeremtiitamay. Pak janderes ataerekem owe, pak janderes emes aeremtiitamay. Era uang arawa, sesey aeetamay. Ajinaoteyrawa, tare uang bojarisimapom bas. 3Tanom owe akot aereremartaay. Wanam ajinaotey ere, dere, era owe ara uangam, ara uang atakam suratam, Yerusalem batoomjir, emes atakam asakamtamtemin. 4Me, denom Yerusalem bajir akot aportey, era oweam dere takan bajamjirtanis.
Paulus bimak binip akukuretiie atakam
5Denom Makedonia tapirmi aofeostemin. Dere Makedonia tapirmi aofeostey, denom tara ajinaomemtemin. 6Denom tare takan aemaptemarom apeno. Dere era jufu bwi era asan aemaptemin apeno. Erarawa, tare wan asan aesostey waut banda pak batetam asan akot. 7Dere tatapirmi jaki karokope potanak. Dere ere, taasan tarai emes baemap, akot ajimin— Tuhan akot aporto.
8Me, Pentakosta Bare ajiire, dere kota Efesus emes baemap. 9Ara asan ere, dere Tuhan karai akot baeetam, ere asan akotnak. Me, atakam baoo owe tanane aematisa.
Ataane baowe atakam
10Dere Tuhan karai aeetammin. Me Timotiusam emes taka aemum. Erarawa, armat ipit tara ajinaomemtan, asan akot armat ipit bajamemomay. 11Oweam armat ipit bifane bas. Are bandaejuu aemto, tanom era waut banda pak ara tetamay. Erarawa are asan akot dera aojinaomemteman. Emesare, denom, dajoo oweam, armat ipit banamek apeomom.
12Denom Apolos atakam akoremin. Dere armat ipit, wan dajoo owe takan tara bajamjinaomen, atakam fiak ajanimara ajio. Me armat ipit ere, waa bajinao potanaken. Me, asan akot aporto, are tara ajinaomemteman.
13Emesare. Banamek ataiemaaray. Kristus eemnak bamesemkorom, emes ajakajiremaaray. Jak fiak aememaaray. Owe fiak aememaaray. 14Era aemtakam pak takes, ere, owe afaimamkoromaaray.
15Dejoo owe akotnak! Tare Stefanusam, atame oweam, tamsam. Are Akaya tapirmi Kristus bonaknak ajamkaies owe arare. Are asan akot era Jesus basitim owe aemaaremas. 16Denom ataane tara aowemin. Tare emes oweam, akarai fiak takan bae oweam, aatakam ji aeay.
17Dere tarai tabi bapor apok. Me, Stefanusam, Fortunatusam, Akaikusam, ajinaomenis. Are tare jow auuemteteren emes tamen are. Erarawa dere jak akotnak. 18Are dere jak akot aemenis. Are tare jak akot aemen. Tare emes owe asitimaaray.
Selamat atakam
19Era Asia tapirmi samaniin samaniin Yesus basitim bajarisiap owe, selamat atakam tara akoromman. Me Akwila anama Priska, atame Yesus basitim bajarisiap oweam, Kristus ajamkaimas. Are tare takan Kristus ajamkaimakam. Erarawa are selamat atakam anakot tara akoromman. 20Me dajoo owe takes selamat atakam tara akoromman. Tanom bimnuk aemamtaertakam, batir akot ajamjipiramay.
21Emesare, dere Paulus. Denom selamat atakam tara akorommin. Dere selamat, dema aeapommin. 22Tuhan Yesus bafaim apok owe, Allah era owe bimak binip pota baemapomto. Emesare, daTuhan bondaeto. 23Tuhan Yesus, asan akot, tara baemtan. 24Dere Kristus Yesus ajamkaimakam owe takes afaimmin.
Currently Selected:
1 KORINTUS 16: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
