ZAKHARIA 7
7
Uisneno nale'uf nanahon ka nok fa amneot
1Anbi fun sio antam neno ha, leka Kesel Nai Darius naplenat nan ton ha, Uisneno anfe In fef ba'an nane neu kau.
2To Betel anlenu nalali Sarezer ma Nai Regem-Melekh ma sin meo pa'e sin nao neu Ume Uisneno Akuasat Afinit he nati' nasaeb onen totis ma ansimo nani In tetus. 3Anlenu sin amsa he nati' natan ale Ana' fuat knino ma Mafefa knino sin onle le i, “Nabe'i ka he nati' hai amkae amkul neu Ume Uisneno le naskuku nani, esle' hai minahom anbi fun nima onle hai moe milali anbi ton-ton afinit?”
4I Uisneno In fef ba'an neu kau. 5In nakua a'an nak, “Ametun ma miton neu atokos anbi pah le i anfun natef ma neu ale Ana' fuat knino sin, mak kaet kulut le sin nanaob nani anbi fun nima ma fun hitu in nanan le i sin ka nabes fa neu Kau. 6Ma leka sin nah ai sin ninun amsa, sin anhalin sin aon anmes kun.”
7Lasi le nane esle' Uisneno naton nalali neu ale Mafefa knino sin anbi tabu ahunut, anbi tabu sin natua Yerusalem ma in to nane fe anmoni nok athoes. Anbi tabu nane atoni alka namaika fa anbi kuan-kuan anbi kot in ninen mes anbi bian a'ne'u ma anbi tubu-tubu sin un-unu anbi neno tesan.
Nakfatu in amnekin nane mapolin
8 Uisneno Akuasat Afinit anfe In fef ba'an le i neu kau nak, 9“Au fe ulali Au plenat-plenat sin le i neu Au to anbi ton-ton afinit, ‘So hi moe amneot, anmu'i nek mahoe ma nek muti mok hi aom bian sin. 10Kais misusu' ale bife banu, li'anmanat, atoni-atoni anao amnemat le namaika anbi hi atnanam ai sekau le anmofu anbi nukat. Ma kais amsalin maufinu neu hi aon bian.’
11Mes Au to sin nakfatu ma kan lomi fa he natuin; sin ansun sin luken ma kan lomi fa he natnin. 12Sin namanub sin nekan onle fatu. Au nek to'an sin, natuin sin ka natuin fa noina-noina le Au fe ulali neu sin nanete natuin Mafefa knino-Mafefa knino ahunut. 13Au ka utae fa sin onen totis, natuin sin ka natnin fa leka Au umolok. 14Onle nautus, Au sapu sin talantia sin namaika anbi atoni mata teme sin pah. Pah le manesa nane luman ma kan mu'i fa esle' he namaika anbin ma anfani pah mois.”
Currently Selected:
ZAKHARIA 7: AOZ
Highlight
Copy
Compare
Share
Want to have your highlights saved across all your devices? Sign up or sign in
