ZAKHARIA 6
6
Mnitas neu aklet makenat ha
1Au upeni teni mnitas bian. Haef le i au it ateni aklet makenat ha le anpoi na'ko tubu niti molo nua sin atnanan. 2Bikase pasan mese-mese es anhel aklet nane, ahunut bikase ao me', no nua bikase metan, 3no tenu bikase muti me' ma no ha bikase koto'. 4Au utan ahake neno nane ak, “Usif, aklet-aklet makenat nane in otan sa' ka?”
5In natae nak, “Sin anao neu neno kabenan ha sin leka sin anhake nalali anbi Uisneno Akuasat Afinit In matan. 6Aklet makenat le bikase metan anhel nani nane in nao neu Babel in bian a'li. Bikase muti in nao neu neno tesan ma bikase koto' nane bian a'ne'u.”
7Leka bikase koto' nane anpoi, sin ka na'kian fa neu he nao hen tae pah pinan. Ahake neno nane namolok nak, “Amnao nai he nati' amtae pah pinan!” Nalali te sin anaon. 8Nalali te ahake neno nane nak neu kau nak, “Bikase le anao neu Babel nane namneb nalali Uisneno In to'as.”
Plenat he nati' napakeb Nai Yosua sobe plenat
9 Uisneno nafe neu kau fef ba'an i. 10In nakua a'an nak, “Maiti nai fua tulu le Nai Heldai, Nai Tobia ma Nai Yedaya, esle' atoni-atoni le fe anfani nem na'ko bale mapolin anbi Babel. Meki sin fua tulu le nane nem laba neu Nai Yosia Nai Zefanya in ume. 11Na'ko sin mnatu ma noni muti le sin natulu nane, anmo'e nai sobe plenat mese ma amtao anbi Nai Yosua in nakan Ana' Fuat Knino Amnanut Nai Yozadak in anah. 12Mitiab neu in mak Au Uisneno Akuasat Afinit umolok ak, ‘Atoni le hom tek in mak Sunif, of naton in mepu in nesan anbi bale le in anbin ma in of nafena nafani Ume Uisneno. 13In es of nafena Au Ume ma ansimo upaf anfani onle kesel mese, ma in of naplenat in to. Ana' fuat knino mese of anhake nok in ma sin of anmepu nabua nok nekaf mese.’ 14Sobe plenat nane nabela anbi Au Ume he namnauba Nai Heldai, Nai Tobia, Nai Yedaya ma Nai Yosia. 15Atoni-atoni of nem na'ko bale lo ma antuntaku he nafena Au Ume. Leka Au Ume nane nafena nalali, sin of nahin nak Au Uisneno Akuasat Afinit es a'lenu ulali ko neu sin. Ale lasi nane of anbol leka sin natuin Au plenat sin nok amneot ma Au fani on sin Uisneno.”
Currently Selected:
ZAKHARIA 6: AOZ
Highlight
Copy
Compare
Share
Want to have your highlights saved across all your devices? Sign up or sign in
