ZAKHARIA 5
5
Mnitas neu sul manunu le natpen
1Au panat it ateni, ma anbi haef le i au it ateni sulat le manunu nane natpene anbi neno atnanan. 2Ahake neno nane natan neu sa' esle' au kiso. Au utae ak, “Au it sulat manunu mese le natpesne anbi neno atnanan. In amnanun meter sio ma in menuan meter ha ma stena.”
3Nalali te in namolok neu kau nak, “Sulat manunu nane matui kasat neu pah le i. Anbi ahunut matui nak ale abakat napoitan sin na'ko pah le i. Ma anbi in aon bian matui nak atoni le anmo'e supat nok poi of napoitan nani. 4Uisneno Akuasat Afin-finit nakua a'an nak kasat le i of nasanuton neu atoni abakat sin ume ma neu atoni le anmo'e supat nok poi sin ume. Kasat of antoman ume-ume nane piut talantia sin anfani fatu-fatu mapolin.”
Mnitas neu bife anbi ki'u in nanan
5Ahake neno nane anbol anteni ma namolok nak, “Amkiso! Anmu'i anteni nem!”
6Au utan ak, “Sa' esle' nane?”
In natae nak, “A'ki'u mese. Le nane taka neu sanat' na'ko pah le i anfun natef.”
7A'ki'u nane in toben na'ko tnopas. Leka au fe kiso in, tobes le nane naaiton ma anbi ki'u le nane in nanan bife mese antok anbine.
8Ahake neno nane nak, “Bife le nane anfani taka neu lasi maufinu.” Nalali te nahakeb nafani bife le nane anbi ki'u in nanan ma in antobe ki'u nane. 9Au aiti au matak ma kiso anbi fafon ma au it bife nua natpen nem neu kau. Sin anmu'i ninef le namep onle kolo oe in ninen. Sin naiti ki'u nane nalali te sin neki ma sin nao.
10Au utan neu Ahake neno nane ak, “Sin he neki ki'u nane neu me ka?”
11In natae nak, “Neu Babel, anbi nane in of nafena nuat neu in. Leka in nafena nalali nuat nane, of sin antao nani anbi nane ma sin nabes neu in.”
Currently Selected:
ZAKHARIA 5: AOZ
Highlight
Copy
Compare
Share
Want to have your highlights saved across all your devices? Sign up or sign in
