IMAMAT 2
2
Fua tulu bukae
1Leka atoni mese in natulu fua tulu bukae neu Uisneno, tulu nane mes ut alekot le antesi mina bub fua mina neune ma antao min fomeni anbi in fafon. 2In mes neki neu Ana' fuat knino sanut mofut Nai Harun. Ana' fuat knino ameput nane in mes naiti na'ko ut nane nimaf mese nok in mina bub fua mina ma ale in min fomeni, oke te notu nani anbi baki tulu in tunan anfani taka' nak ale nane ok-oke natulu nalali neu Uisneno. 3Fua tulu bukae anesit nane neu ale Ana' fuat knino. Fua tulu nane knino le'uf kun natuin naiti nani na'ko bukae le natulu neu Uisneno.
4Kalu le natulu nane utunu' le antunu nani anbi bale utunu', utunu' nane mes anmo'e ka nok fa lalu haef. Utunu' nane nabe'i mafaun, anmo'e na'ko ut le anselo u'manula nok mina bub fua mina, leko amsa kokis le al nok mina bub fua mina.
5Kalu le natulu nane utunu' le anse'i anbi bale se'it in fafon, utunu' nane mes anmo'e na'ko u'manula nok mina bub fua mina mes kan pake fa lalu haef. 6Utunu' le natulu nane mes anheli sin, oke te antesi mina bub fua mina neune.
7Kalu le natulu nane utunu' le nahan anbi tasu, utunu' nane mes anmo'e na'ko u mnula ma mina bub fua mina. 8Utunu' le anmo'e onle nane mes natulu neu Uisneno ma nana'at neu Ana' fuat knino he neki neu baki tulu. 9Ana' fuat knino naiti utunu' bian na'ko utunu' nane oke te notu nani anbi baki tulu tunan anfani taka' nak ale sa' ok-oke natulu nalali neu Uisneno. 10In nesin nane neu ale Ana' fuat knino. Utunu' nane knino le'uf kun natuin naiti nani na'ko bukae le natulu nalali neu Uisneno.
11Fua tulu bukae neu Uisneno ka nabe'i fa hen selo neki oni hau ai lalu haef, natuin oni hau ma lalu haef ka nabe'i fa he notu leka he natulu neu Uisneno. 12Na'ko pah in afan anbi ton-ton mes natulu bian neu Uisneno, mes ka nabe'i fa he notu anbi baki tulu in tunan. 13Ale fua tulu bukae mes antao masi neune, natuin masi anfani taka' antom lasi manta'en Uisneno nok ki. Es nane te ale fua tulu mes amtao masi neu sin. 14Leka hi mitulu ma mitnat neu Uisneno ane kase ahunut le him lefi, meki nai ane kase fe'u le napau nanule nani ai anse'i. 15Ane kase nane mes antesi min bub fua mina neune ma antao min fomeni neu in fafon. 16Ana' fuat knino mes notu ane kase bian na'ko ale ane kase ma mina nane ma ale in min fomeni, on a'taka nak ale sa' nane ok-oke natulu nalali neu Uisneno.
Currently Selected:
IMAMAT 2: AOZ
Highlight
Copy
Compare
Share
Want to have your highlights saved across all your devices? Sign up or sign in
