IMAMAT 15
15
Amle'ut anbi atoni ai mansian
1 Uisneno anfe neu Nai Musa ma Nai Harun lekat lulut i 2neu nonot Israel. Leka atoni mese in a honin napoitan oe ai oe ansai natuin in a honin namen, oe nane amle'ut kun, 3leko le anpoi ai le kan poi fa. 4Bale le atoni nane in antoko anbine ai antup anbine bale nane amle'ut kun. 5-8Sekau le an onon ai anle'o atoni nane ai in bale tupa, ai antoko anbi bale le atoni nane antoko anbine, ai le atoni nane nalono ai nakinu, mes anfase in blua pake ma naniu, ma in antam amle'ut talante neno antes. 9A'peni bikase ai sa' esle' atoni amenat nane antoko anbine anfani amle'ut. 10Sekau le an onon ai anle'o sa' esle' atoni nane antoko anbine, anfani amle'ut talante neno antes. Sekau le naiti blua nane mes anfases in blua pake ma naniu, ma in antam amle'ut, talante neno antes. 11Leka atoni amenat nane in fe ka nafanu fa in niman oke te in anle'o atoni bian, atoni le anle'o nane mes anfase in blua pake ma naniu, ma in antam amle'ut talante neno antes. 12Tasu nain le atoni nane anle'o mes nape' nani ma blua le in anle'o mes hen fase nani.
13Leka atoni nane naleko, in mes anpao fe neno hitu anteni. Oke onane te in mes anfase in blua pake ma naniu anbi oe mata, nok nane te in naknino. 14Anbi neno fanu te in mes neki kol ot kase ana' nua ma kol ot ana' anbi Um-ume Uisneno eno matan oke te nana'at nani sin neu Ana' fuat knino. 15Ana' fuat knino mes natulu natnat kolo mese neu fua tulu sako sanat, ma es anteni neu fua tulu mnotu. Nok nane te Ana' fuat knino anmo'e lasi luli besa naknino atoni nane anbi Uisneno In human ma In matan.
16Leka atoni mese napoitan oe monif, in mes naniu mes in amle'ut nabala talante neno antes. 17Blua sa' na'ko lipa ai pasu le antom oe monif nane mes anfase nani; blua nane amle'ut kun talante neno antes. 18Leka atoni ma bife antup nabua nalali, leko atoni ma bife nane sin mes naniu, mes sin nabala amle'ut talante neno antes.
19Bife mese le in funan fe nem, in nalahi ai amle'ut kun nan neno hitu in a'lon. Sekau le anle'o in atoni nane anfani amle'ut talante neno antes. 20Blua sa' le bife nane antoko anbine ai in antup anbine leka in funan fe nem bale nane anfani amle'ut. 21-23Sekau in anle'o bale le bife nane antup anbine ai antoko anbine le bife nane fe in funan nem, mes anfase in blua pake ma naniu, mes in amle'ut talante neno antes. 24Leka atoni mese in antup nok bife le in funan fe nem, atoni nane anfani amle'ut amsa nan neno hitu in a'lon.
25Leka kalu bife mese in napeni men na' anbi neno fauk-fauk in a'lon ka natuin fa in funan, ai in men na' nane ka nasnas fa leka in men funan nem nalali, in amle'ut kun leka men na' nane ka nasnas fa onle anbi tabu in funan fe nem. 26Bale le in antup anbine ai in antoko anbine anfani amle'ut leka in fe anfani amle'ut. 27Sekau anle'o bale nane in amsa amle'ut kun. In mes anfase in blua pake ma naniu, ma in amle'ut kun talante neno antes. 28Leka men na' nane nasnas, bife nane mes anpao fe neno hitu in a'lon anteni. Oke onane te in naknino. 29Anbi neno fanu te in mes neki kol ot kase ana' nua ai kol ot ana' nua neu Ana' fuat knino anbi eno matan Um-ume Uisneno. 30Kolo mese mes natulu natnat neu fua tulu sako sanat, ma es anteni neu fua tulu mnotu. Nok nane te Ana' fuat knino anmo'e luli besa neu naknino bife nane anbi Uisneno In human In matan.
31 Uisneno anlenu Nai Musa namnauba nonot Israel he nati' anpanat leka sin antam amle'ut ma leka sin kan tam fa amle'ut, he nati' sin kais nale'un Um-ume Uisneno le anbi um-ume atnanan. Kalu sin nale'un Um-ume nane, sin of anmate.
32Onle nane lekat lulut neu atoni le napoitan oe ai oe ansai natuin menas anbi honin ai napoitan oe monif, 33ma neu bife le in funan fe nem, ma neu atoni le antup nok bife le in funan fe nem.
Currently Selected:
IMAMAT 15: AOZ
Highlight
Copy
Compare
Share
Want to have your highlights saved across all your devices? Sign up or sign in
