YUNUS 3
3
Nai Yunus natuin Uisneno In plenat
1 Uisneno nakua a'an hae nua neu Nai Yunus nak, 2“Amnao nai meu Niniwe, kot anaek nane, ma mutonan in to sin, fef ba'an le of Au fe ani neu ko.” 3Nalali te Nai Yunus natuin Uisneno In aplenat, ma in nao neu Niniwe, kot mese le nae le'uf kun, talantia in a'lon anao nan neno tenu. 4Nai Yunus antam neu kot nane ma leka in nao nan neno teme mese, in ansaki ma naton nak, “Neno bo'ha anteni, kot Niniwe of naskuku!”
5Atokos abit Niniwe sin anpalsai neu Uisneno In fef ba'an. To anfun natef nafek neu he nati' sin nanahok, ma ale atoni leko anaet ma abaut sin anpake kalo he naton nak sin antofok natuin sanat-sanat sin.
6Tabu kesel Niniwe in nen hanaf nane te, in ansanu na'ko in atoko. In ankasu nani in bale pake ana' aplenat ma in anpake kalo ma in antoko anbi afu in tunan. 7In amsa naton lasi i nak, “Plenat le i mapoitan anbi Niniwe natuin kesel ma ale ameput sin fekat: Ale atoni, bijae, bibi kase ma mu'it bian anteni mapenan he kais nah ai ninun. 8Mansian ma mu'it so anpake kalo. Anfani taka' nak mansian antofon so ale atoni sin onen nok amneot neu Uisneno. So sin naloitan nafani sin taos ma sin mo'et abulalut ma sin mo'et le nahenu nok sanat. 9Oin Uisneno of nabaina In salit ma ka nato'an teni fa, talantia hit ka tam fa anbi maten!”
10Uisneno nit sin mo'et nane, In nit nak sin nasaitan nalali sin mo'et maufinu. Es nanet In nabaina In salit, ma kasat kan toman fa sin anteni.
Currently Selected:
YUNUS 3: AOZ
Highlight
Copy
Compare
Share
Want to have your highlights saved across all your devices? Sign up or sign in
