YUNUS 2
2
Nai Yunus in onen totis
1Anbi ika tain Nai Yunus in onen neu Uisneno nak,
2“Koi Uisneno,
anbi au nek nu'ut in nanan au sanane neu Ko
ma Ho mutae kau.
Anbi nopu maten au toti babat ma tuntakus,
Hom nen au totis ma Hom panat kau.
3Hom polin kau neu bale amnanut,
talantia tasi in tu'an.
Anbi nane oe anpesen ma anfun natef kau,
ma okin anpolin napoitan kau.
4Anbi au nekak nanan au umolok ak:
Uisneno anli'u kau na'ko In human In matan.
Of au ka it ateni
fa In sonaf knino le In namaika anbine.
5Oe tasi ansae antia au fefak,
oe tasi naek anfun natef au aok,
tasi anpun nao au nakak.
6-7Au sub atia tubu sin sukit,
neu pah le in eno ma in letu antia tabu amsoput.
Au smanak naoelbon anbi au aok in nanan,
es nanet au umnau ma sakoi neu Ko.
Es nanet au onen totis antia Ko,
anbi Ho Ume knino in nanan.
Es nanet Ho muaiti kau na'ko oe tasi in nanan,
koi au Uisneno!
8Ale atoni le nabes neu uisneno teta le ka maota fa,
sin nasaitan ma ka na'ki fa neu Ko.
9Mes au of a'si ma pules Ko
ma utulu fuat neu Ko.
Of au mo'e ani ale au han ta'en sin.
Ho Uisneno es amfe kau honis.”
10Namuni te, natuin Uisneno In aplenat, ika nane anlo'an Nai Yunus neu pah meto.
Currently Selected:
YUNUS 2: AOZ
Highlight
Copy
Compare
Share
Want to have your highlights saved across all your devices? Sign up or sign in
