KELUARAN 26
26
Um-ume Uisneno
(Kel. 36:8-38)
1“Anmo'e Um-ume mese neu Kau na'ko pilu muti mafaun tuka, bo'mese le matenu na'ko pilu manafu mas mate, kanalu ma me'. Ma mibuna pilu nane nok ahake neno in human. 2So tuka mese in amnanun namnes nok bian, amnanun meter bo'es am nua ma in menuan meter nua. 3Pilu tuka nim so amso mibuab anfani pilu mese, ma in tuka nim en bian anmo'e onan amsa. 4Anmo'e in aisan na'ko pilu mas mate anbi pilu nua en nane sin ninen, 5anmo'e aisaf bo'nim anbi pilu mese-mese. 6Anmo'e ka'if bo'nim na'ko mnatu, he nati' milutab pilu muti nane anfani mese.
7Neu Um-ume in obet anmo'e pilu tuka bo'es am mese na'ko bibi in nafun. 8Tuka mese in namnes-nesan nok bian, in amnanun meter bo'es am tenu ma in menuan meter nua. 9Pilu tuka nim amso anfani pilu mese, ma tuka ne en bian so anmo'e onane amsa. Pilu ne en matalun so amli' no nua hen tobe Um-ume in matan. 10Amtao aisat bo'nim anbi pilu ahunut in ninen ma aisat bo'nim anteni anbi pilu nua en in ninen. 11Ma anmo'e ka'if bo'nim na'ko niti molo ma amalutab in aisat le nane he nati' mimasab pilu nua en nane ma anfani Um-ume in obet. 12Pilu tuka stena le nane in nesin anfani obet neu Um-ume in kotin. 13Pilu nesif le in amnanun senti bo'nim, mifetin anfani ekat neu Um-ume in kabenan sin.
14Anmo'e eka nua neu Um-ume in kotin, es na'ko bibi kase keso in funun le anlep me amtasa ma es anteni na'ko pasu maluna.
15Anmo'e Um-ume nane in a'bena sin na'ko ankai kase le namneo. 16Bena-bena nane es-es in amnanun meter ha ma in menuan senti 66. 17Anbi bena mese amtao falo' nua, he nati' bena nane amatalub sin es nok es. 18Neu Um-ume in bian a'ne'u, so ho mo'e bena bo'nua, 19nok in sukit sin bo'ha na'ko noni muti, nua anbi bena nane neu in falo' nua sin. 20Neu Um-ume in bian a'li, so anmo'e bena bo'nua 21nok in sukit bo'ha na'ko noni muti, nua anbi bena mese. 22Neu Um-ume nane in kotin aon neno tesan, anmo'e bena ne 23ma bena nua neu in susun sin. 24Bena-bena neu Um-ume in susun nane amatalub sin na'ko panan abit pinan antia abit fafon. Bena nua sin le nasusfok nane so anmo'e onan amsa. 25Bena-bena nane fanu ok-oke nok in sukit na'ko noni muti bo'es am ne, le nane anbi bena mese.
26Ma mo'e bena ekat bo'es am nim na'ko ankai kase, bena nim neu Um-ume in bnapan bian, 27nim neu in bnapan bian, ma nim anteni neu Um-ume in bnapan abit kotin antom nok neno tesan. 28Hau ekat anbi atnanan so amtao anbi ni mese in atnanan, na'ko Um-ume nane in aon bian am bian. 29Um-ume nane in bena sin ma in akbaten ho am amu meki mnatu. 30Muhakeb Um-ume nane natuin salit le Au uton ulali neu ko anbi tubu le i in tunan.
31Anmo'e pilu eka mese na'ko pilu muti malula le matenu na'ko pilu manafu mas mate, kanalu ma me amtasa. Anmo'e ahake neno mabuna mese anbi pilu le nane. 32Miponi pilu eka nane anbi ka'i le anmo'e na'ko ankai kase le ma amu mnatu nok ka'i mnatu ma mihakeb anbi sukit ha na'ko noni muti. 33Miboni pilu eka nane anbi ka'i mnatu le nane anbi Um-ume in obet. Anbi pilu nane in kotin so him tao Peti Fef Bela le nalai fatu nua en nane. Pilu nane anbati Ke'an Knino ma Ke'an Knino Le'uf. 34Amtao Peti Fef Bela in obet nane anbi in fafon. 35Amtao mei tulu nane anbi Ke'an Knino Le'uf in kotin anbi bian a'li, ma tet paku nane anbi bian a'ne'u anbi Um-ume in nanan.
36Anmo'e pilu eka naek neu Um-ume in eno na'ko pilu muti malula le matenu na'ko pilu manafu mas mate, kanalu ma me amtasa, ma mimasab meki buna. 37Ma neu pilu eka naek nane so hi mo'e na'ko ankai kase ma am amu meki mnatu ma amatalub mani meki ka'i mnatu nim. Anmo'e sukit nim na'ko niti molo neu ni-ni nane.”
Currently Selected:
KELUARAN 26: AOZ
Highlight
Copy
Compare
Share
Want to have your highlights saved across all your devices? Sign up or sign in
