ZABUR 96
96
Allah, Raja nyang agong
(1Taw. 16:23-33)
1Meuca-e kheueh ngon lagu barĂ´ keu Tuhan!
Meuca-e kheueh keu Tuhan, hai banmandum bumoe!
2Meuca-e kheueh keu Tuhan dan pujoe kheueh Gobnyan;
tieb-tieb uroe tajak peusampoe kheueh haba geumbira
bahwa Gobnyan ka geupeuseulamat geutanyoe.
3Calitra kheueh keu agongan Gobnyan ubak bansa-bansa,
dan buet-buet Gobnyan nyang peukasa keu umat manusia.
4Sabab rayeuk kheueh Tuhan, dan lumpah teupujoe Gobnyan,
harĂ´h teutakot leubeh nibak meubagoe dewa.
5Dewa-dewa bansa laén na kheueh patong beurala,
teuma Tuhan na kheueh nyang cebta angkasa raya.
6Ateueh Gobnyan teutĂ´b bandum deungon keuagongan dan keumuliaan,
Baét Gobnyan peunoh deungon kuasa dan keu indahan.
7 #
Zab. 29:1-2
Pujoe kheueh Tuhan, hai umat manusia,
pujoe kheueh keuagongan dan teunaga Gobnyan!
8Pujoe kheueh nan Gobnyan nyang mulia,
dan ba kheueh keureubeuen u dalam Baét Gobnyan.
9Seumah kheueh Tuhan sira tangui peukayan iébadat!#sira tangui peukayan iébadat atawa: meunyoe Gobnyan geupeuleumah droe.
Beuyo kheueh dikeue Gobnyan, hai bansaboh donya!
10Tabri tée kheueh keu bansa-bansa,
“Tuhan nyan Raja! Bumoe kukoh hana hase gob gokgok;
Gobnyan peusidang bansa-bansa deungon ade.”
11Meugeumbira kheueh, hai langét deungon bumoe!
Meugeumuroh kheueh, hai laĂ´t deungon banmandum asoe jih!
12Meusuka cita kheueh, hai blang meunan cit banmandum sinaman!
Bak-bak kayée nyang na didalam uteun meusurak geumbira.
13Sabab Tuhan geutron geujak peurintah di ateueh bumoe,
Gobnyan geupeusidang bansa-bansa deungon ade dan jujoe.
Currently Selected:
ZABUR 96: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
