ZABUR 18
18
Ca-e keumeunangan Nabi Daud
(2Sam. 22:1-51)
1Keu teupimpén kor. Zabur Nabi Daud, hamba Tuhan. Geupeuca-e ubak Tuhan watée Nabi Daud teupeuleuh nibak Saul dan nibak musoh-musoh gobnyan.
2UlĂ´n cinta ubak Droneueh, ya Tuhan,
Droeneueh kheueh teunaga ulĂ´n.
3 Tuhan lagée kuta nyang kukoh
teumpat ulĂ´n meulindong.
Allah ulôn lagée gunong batée
teumpat ulĂ´n meupayong.
Lagée peurisai gobnyan geutôb ulôn,
dan geujaga ulĂ´n mangat aman hana gob peukaru pajan mantong.
4Ulôn meulakée ubak Tuhan nyang patot teupujoe,
Gobnyan geupeubeubaih ulĂ´n nibak mandum musoh ulĂ´n.
5Ulôn ka jikeulileng lé bahya mawöt
dan jipeunom lam ié raya keubinasaan.
6Ulôn jikeulileng lé bahya mawöt,
jeunieb mawöt kana dikeue ulôn.
7Lam keuadaan ulôn nyang apoh apah ulôn meulakée ubak Tuhan,
ulôn meudumpék ngon su meutaga ubak Allah lôn lakée tulông.
Nibak Baét Geuh Gobnyan geudeungoe su ulôn
dan geudeungoe peue nyang ulôn lakée.
8Laju bumoe meuguncang meusu meu krab-krab,
gaki-gaki gunong pih meuguncang ngon su nyang meukrab-krab teuma
sabab Allah ka beungéh.
9Jiteubiet asab lam ruhuéng idong Gobnyan,
ngéue apui dan apui jiteubiet teuma lam babah Gobnyan.
10Langét geuplah, laju geutron Gobnyan nibak teumpat nyan
deungon awan nyang seupĂ´t dimiyueb gaki Gobnyan.
11Gobnyan geupoe di ateueh kerub;#kerub: Golongan malaikat nyang teugamba sibagoe makhluk meusayeueb, dan teupeulambang nibak keukuasaan Tuhan meunan cit keuhai teuka Gobnyan.
Gobnyan meulayang di ateueh sayeub angén.
12Gobnyan geupeusöm droe lam seupôt that-that;
awan ngon reudĂ´k nyang teubai jijak keulileng Gobnyan.
13Kilat dikeue Gobnyan,
jiteubiet kheueh awan, ujeuen Ă©eh dan apui.
14Laju Tuhan lagée geulanteue di angkasa;
Nyang Mahamanyang geupeudeungoe su droe Gobnyan.#Meunurot saboh naseukah kuno geupeudeungoe su droe Gobnyan. Lam naseukah Ibrani na seunamah: ujeuen es dan ujeuen apui.
15Gobnyan laju geutimbak dumna aneuk-aneuk panah Geuh
dan geupeu crebre musoh;
geusama kilat meu ulang-ulang,
lé sabab nyan sampoe awaknyan jipeuplueng droe.
16Tanoh lam laĂ´t jibeudĂ´h meubura dan gaki bumoe pih teubuka
watée Tuhan geudot musoh Gobnyan deungon meureuka.
17Di ateueh Tuhan geu sunyueng jaroe Geuh;
laju geumat ulôn dan geutarek lam tuwie ié nyang lhok.
18Gobnyan geupeuseulamat ulĂ´n nibak musoh nyang peukasa
dan nibak ureuëng-ureuëng nyang jibanci ulôn,
sabab awaknyan lumpah that teuga nibak ulĂ´n.
19Awaknyan jiseurang ulôn watée ulôn jitimpa lé beuncana,
teuma Tuhan jeuet keu nyang tulĂ´ng ulĂ´n.
20Gobnyan geupeubeubaih ulĂ´n nibak bala bahya
dan geupeuseulamat ulôn sabab Gobnyan geugaséh keu ulôn.
21 Tuhan geubalaih buet ulĂ´n nyang beutĂ´i;
Gobnyan geubri beureukat keu ulĂ´n sabab ulĂ´n hana salah.
22Ulôn taát ubak peurintah Tuhan
dan hana lĂ´n paleng nibak Allah ulĂ´n.
23Banmandum huköm Gobnyan ulôn deungoe,
peurintah-peurintah Gobnyan hana ulĂ´n peulaloe.
24Gobnyan geuteupeue bahwa ulĂ´n nyoe hana cacat ngon teucela
dan geupeujiĂ´h droe nibak keusalahan.
25Teuma Tuhan geubalaih buet ulĂ´n nyang beuna
sabab Gobnyan geuteupeue ulĂ´n nyoe hana meusalah.
26 Tuhan, Droeneueh seutia keu ureuëng nyang seutia
dan jroh keu ureuëng nyang jroh.
27Keu ureuëng nyang suci Droeneueh peugah Droeneueh suci,
teuma ureuëng nyang jeuhet Droeneueh peujeuet keumusoh.
28Ureuëng nyang miyueb até Tuhan peuseulamat,
teuma ureuëng nyang sombong ngon cungkak Droeneueh peutundok.
29Droeneueh puhu panyĂ´t ulĂ´n;
Tuhan Allah ulĂ´n nyang peu peungeuh ulĂ´n nibak seupĂ´t.
30Droeneueh neupeuteuga ulĂ´n mangat ulĂ´n heuntam musoh;
deungon tulĂ´ng Allah ulĂ´n peuhanco peutahanan awaknyan.
31Buet Po teu Allah sampoereuna
janji Tuhan jeuet teupeucaya.
Gobnyan lagée peurisai
keu mandum ureuëng nyang meulindong nibak Gobnyan.
32Sabab Tuhan kheueh Po teu Allah;
Allah mantong nyang jeuet keu nyang bila geutanyoe.
33Gobnyan kheueh Allah nyang ka geupeuteuga ulĂ´n
dan nyang peusaneut rot ulĂ´n aman.
34 #
Hab. 3:19
Gobnyan nyang peuteuga gaki ulôn lagée gaki rusa,
dan nyang jaga keuseulamatan ulĂ´n di ateueh gunong-gunong.
35Gobnyan nyang latih ulĂ´n pakriban cara muprang,
sampoe hase ulĂ´n reuntang
busur nyang paleng teuga.
36 Tuhan, Droeneueh kheueh nyang lindong dan peuseulamat ulĂ´n,
dan nyang tumpang ulĂ´n deungon kuasa Droeneueh;
ulĂ´n hase meunang sabab tindakan Droeneueh.
37Droeneueh jaga ulôn mangat ulôn bék keunong teun,
dan ulôn hántom na reubah.
38Laju ulĂ´n tiyeub musoh lĂ´n dan lĂ´n peutaloe awaknyan,
dan pantang lĂ´n surot sampoe awaknyan banmandum binasa.
39UlĂ´n seumpom awaknyan sampoe hana hasele jibeudĂ´h,
awaknyan reubah hana meudaya dimiyueb gaki ulĂ´n.
40Neubri ubak lĂ´n teunaga mangat hase lĂ´n muprang,
dan beumeunang ateueh musoh-musoh lĂ´n.
41Sampoe musoh lĂ´n neuyue plueng nibak ulĂ´n;
dan soemantong ureuëng nyang jibanci ubak ulôn Tuhan neupeubinasa.
42Awaknyan jikliek ngon jiteumawök, teuma hana nyang hase tulông,
awaknyan jimeulakée ubak Tuhan, teuma Gobnyan hana geutem jaweueb.
43Awaknyan ulôn peureumok lagée abée nyang jipot lé angén,
dan ulôn sampôh lagée leuhôb nibak binéh rot ueh raya.
44Droeneueh neupeubeubaih ulôn nibak kawöm nyang doraka,
dan neupeujeuet ulĂ´n keupeunguasa ateueh bansa-bansa;
bansa-bansa nyang hana lĂ´n turi jeuet namiet lĂ´n.
45Ureuëng-ureuëng aséng tundok ubak ulôn
dan jitaát watée jideungoe peue nyang lôn peurintah.
46Beuhe awaknyan ka gadĂ´h;
awaknyan yo dan jiteubiet lam kuta jih.
47 Tuhan udeb! Teupujoe kheueh nyang bila lĂ´n!
Peu agong kheueh keubeusaran Allah nyang peuseulamat lĂ´n!
48Gobnyan geubri keulĂ´n meunang ateueh musoh lĂ´n;
bansa-bansa geupeutaklok dikeue ulĂ´n,
49geupeuseulamat ulĂ´n nibak lawan-lawan lĂ´n.
Tuhan, Neubri keu lĂ´n meunang ateueh musoh lĂ´n,
Droeneueh lindong ulôn nibak ureuëng-ureuëng nyang keujam.
50 #
Rm. 15:9
LĂ© sababnyan ulĂ´n peuagong Droeneueh lamkawan bansa-bansa,
dan ulĂ´n meunyanyoe lagu puja ngon pujoe keu Droeneueh.
51Po teu Allah geupeumeunang nyang paleng rayeuk ateueh raja Gobnyan,
Gobnyan teutab geugaséh keu ureuëng nyang ka geupiléh,
na kheueh Nabi Daud deungon keuturonan gobnyan keu siumu masa.
Currently Selected:
ZABUR 18: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
