ZABUR 19
19
Keuagongan Tuhan lamhai cebtaan dan lamhai huköm Gobnyan
1Keu teupimpén kor. Zabur Nabi Daud.
Keuagongan Tuhan lam cebtaan Gobnyan
2Langét dimanyang jipeugah keuagongan Allah,
dan cakrawala jijak peusampoe karya Gobnyan.
3Uroe nyang keu sa jijak peusampoe
ubak uroe nyang seulanjut jih;
malam nyang sa jijak peukisah
ubak malam nyang singoh nyan teuma.
4Hana nyang mariet atawa jimupoh cakra,
hana su nyang na teudeungoe.
5 #
Rm. 10:18
Teuma seruan Gobnyan meuguncang bansaboh donya,
sampoe peusan nyan ubak tieb-tieb ujong bumoe.
Tuhan geupeugöt rumoh di langét keu sang surya,
6bak watée beungoh sang surya nyan jiteubiet
lagée teungku linto agam nyang geuteubiet lam kama gobnyan,
lagée pahlawan nyang geumbira geupeuphon jak geubot langkah gobnyan.
7Gobnyan geulisi langét phon nibak ujong u ujong;
hana nyang hana keunong nibak seu-uem gobnyan.
Huköm Tuhan
8Huköm Tuhan nyan sampoereuna,
teupeuseugar jiwa.
Peurintah Tuhan jeuet teupeucaya,
teubri hikeumat keu ureuëng nyang seudeurhana.
9Peuratoran Tuhan nyan teupat,
keubit that teupeugalak até.
Peue nyang geupeuteutab lé Tuhan nyan murni,
sampoe ureuëng laén hase jipuphom.
10Meubakti ubak Tuhan nyan gét,
hana piĂ´h keu siumu masa.
Huköm Tuhan nyan beutôi
dan ade banmandum.
11Huköm Tuhan leubeh meuyuém nibak méuh murni,
dan leubeh maméh nibak meulisan nyang aseuli.
12Hamba Droeneueh geupeu ingat lé banmandum nyan;
upah nyang paleng raya teupeuna keu ureuëng nyang taát.
13Hana nyang hase peusada keuhai sisat jihnyan;
Tuhan, neupeubeubaih kheueh ulôn nibak buet salah nyang teusöm.
14NeupeujiĂ´h kheueh ulĂ´n nibak desya nyang teusaja,
bék neupeubiyeu ulôn jikuasa lé awaknyan.
Teuma ulôn jeuet keu ureuëng hana meucupa,
dan beubaih nibak peulanggaran nyang brat.
15Seumoga tutoe haba dan pikeran ulĂ´n meukeunong nibak Droeneueh, ya Tuhan,
nyang lindong dan nyang teubĂ´h ulĂ´n!
Currently Selected:
ZABUR 19: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
