ZABUR 17
17
Doá ureuëng nyang hana meusalah
1Doá Nabi Daud.
Deungoe kheueh ulôn meulakée keuhai keuadelan,
neudeungoe kheueh doá ulôn nyang tulöih ikhlas,
ya Tuhan.
2Neu bila kheueh peukara ulĂ´n
sabab Droeneueh neuteupeue peue nyang beuna.
3Meunyoe Droeneueh neu ujoe até ulôn
dan neuteuka neujak seulidék ulôn óh watée malam,
disinan Droeneueh meurumpok bahwa ulôn na kheueh nyang jujoe tulöih ikhlas;
haba ulĂ´n sisuai deungon pikeran ulĂ´n.
4UlĂ´n peubuet peue nyang Droeneueh peurintah ubak ulĂ´n
dan hana lĂ´n jak rot kreueh nyang rugoe hana meulaba.
5UlĂ´n sabe udeb meunurot nyang Droeneueh tunyok
dan hana meusimpang nibak Droeneueh.
6Ulôn meulakée ubak Droeneueh, ya Allah,
sabab Droeneueh neujaweueb ulĂ´n;
ngieng kheueh ulĂ´n
dan neudeungoe kheueh tutoe haba ulĂ´n.
7Neutunyok kheueh geunaséh Droeneueh nyang luwa biasa nyan
sabab Droeneueh peuseulamat ureuëng nyang meulindong nibak Droeneueh,
bak binéh Droeneueh awaknyan aman nibak jiseurang lé musoh.
8Neupeulara kheueh ulôn lagée aneuk mata Droeneueh,
neusöm kheueh ulôn di miyueb sayeub Droeneueh
9nibak jiseurang lé ureuëng jeuhet.
Ulôn jikeupong lé musoh nyang jikeuneuk peumaté ulôn.
10Nibak awaknyan hana jituri peue nyan gaséh sayang
dan meunyoe jipeugah haba deungon sombong dan cungkak.
11Awaknyan jimaju jilawan ulĂ´n dan jijak paran ulĂ´n,
jimita keuseumpatan keuneuk jiseumpom ulĂ´n.
12Awaknyan lagée singa bueh nyang keuneuk ruengkôm mangsa jih,
lagée singa muda nyang jilinteung nibak teumpat nyang teusöm.
13BeudĂ´h kheueh, ya Tuhan,
neulawan kheueh musoh ulĂ´n dan neupeutaloe kheueh awaknyan.
Neupeuseulamat kheueh ulĂ´n deungon peudeueng Droeneueh
nibak jiseurang lé ureuëng jeuhet.
14Neupeubeubaih kheueh ulôn nibak ureuëng
nyang leuha nyang buet jitamon-tamon hareuta donya nyoe.
Neuhuköm kheueh awaknyan deungon ázeub seungsara Droeneueh
nyang ka Droeneueh keubah keu awaknyan.
Meunan cit aneuëk cucoe awaknyan neuhuköm cit teuma.
15Teuma ulĂ´n-lĂ´n pandang Droeneueh,
sabab ulĂ´n hana salah.
Bak watée jaga nibak teungéut ulôn,
teuka Droeneueh teupeujeuet até ulôn geumbira ria.
Currently Selected:
ZABUR 17: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
