AYUB 30
30
1Teuma jinoe ulôn jihina lé ureuëng nyang leubeh muda.
Yoh watée ilée ureuëng syiek awaknyan ulôn ngieng hina
keu jirabe bubiri lôn meusajan asée meurabe.
2Nibak ulĂ´n awaknyan hana meuguna
sabab ka habéh teunaga.
3Awaknyan duek dan meudeurita lagoena,
sampoe jipajoh ukeue tho kreng bak guron nyang seungue.
4Awaknyan jilĂ´t tamah meuduro lam padang kasak kasek
laju jimakheun bah kheueh Ă´n meunan cit ukeue jih.
5Awaknyan jiuse deungon tengking
lagée ureuëng jiuse pancuri.
6Awaknyan tinggai lam guha-guha;
ruhuéng-ruhuéng bak bintéh gunong jeuet keu rumoh awaknyan.
7Lam uteun raya awaknyan jiklik-klik lagée beulatang,
meukeulompok dimiyueb tamah meuduro lam gle.
8Awaknyan hana nan meunan cit hana meuyuém,
ureuëng-ureuëng ka teuparôh lam nanggroe jih.
9Jinoe awaknyan teuka dan ulôn jipeukém teuma;
nibak awaknyan, ulĂ´n nyoe lelucon nyang hana meuhareuga.
10Ulôn jingieng lé awaknyan hina ngon kutoe,
meunan cit muka lĂ´n jiludah teuma.
11LĂ© sabab Po teu Allah geupeujeuet ulĂ´n leumoh hana meudaya,
awaknyan jipeupuih ban galak droe beungéh jihnyan.
12Kawan awaknyan jiheuntam ulĂ´n rot keue,
dan keuhai rhot ulĂ´n ka awaknyan reuncana.
13Awaknyan jikoh rot ulĂ´n keu jipeutaloe ulĂ´n;
hana meusidroe pih nyang halang#Keumungkenan that makna jih: halang, Ibrani: teutulông. watée awaknyan jiseureubu.
14Lagée ié beuna awaknyan heuntam beuton kuta lôn;
meusajan-sajan awaknyan teuka jijak tindéeh tuboh lôn.
15Nyang paleng dahsyat ka peunoh bansaboh tuboh lĂ´n;
lagée jiyueb lé angén, yuem droe ulôn teupupoe teuma;
lagée awan teungoh jak, gadôh kheueh keubahgiaan lôn.
16Jinoenyoe rab maté ulôn;
hana nyang phui keu deurita ulĂ´n.
17Óh watée malam mandum tuleueng lôn linu-linu;
rasa sakét nyang jitôb-tôb hana jipiôh-piôh.
18Po teu Allah geuteugom ulôn bak takue bajée lôn
sampoe peukayan ulĂ´n krĂ´t-krĂ´t bak tuboh lĂ´n.
19U dalam leuhĂ´b ulĂ´n geuseumpom,
ulôn nyoe geupeujeuet lagée brôh nyang hana meuguna!
20Ulôn meudoá ubak Droeneueh ya Allah, Droeneueh hana Neujaweueb;
watée ulôn meudoá, Droeneueh hana Neupakoe.
21Droeneueh Neupeusaneut ulĂ´n deungon keujam,
Droeneueh tindéeh ulôn deungon banmandum teunaga Droeneueh.
22Droeneueh Neupeubiyeu angén jipupo ulôn sampoe meulayang;
lam angén badée Droeneueh pôt keudeh keunoe droe ulôn.
23Ulôn kuteupeue, Droeneueh ba ulôn ubak alam mawöt,
ubak teumpat mandum nyang udeb teupeusapat keunan.
24Keupeue Droeneueh seurang ureuëng nyang keunong bala,
nyang hana hase jipeubuet sapeue seulaén jilakée beuteuweuh.
25Bukon kheueh ulôn kumoe meusajan ngon ureuëng nyang sosah,
dan lôn gaséh ureuëng nyang kureueng harta?
26UlĂ´n meuharab bahgia dan trang,
teuma aloh alah dan seupĂ´t buta kheueh nyang teuka.
27Ulôn teupriek-priek lé seudeh dan weuh lumpah na;
uroe meugantoe uroe seumaken lé nyang lôn deurita.
28Lam seupĂ´t, hana cahya, ulĂ´n jak keudeh keunoe;
ulôn dong dikeue rakyat ba, lôn lakée tulông.
29Su ulĂ´n seudeh peunoh ngon weuh
lagée jimo asée srigala dan cicém unta.
30Kulét ka jeuet keu itam;
tuboh lôn tutông lé sabab deumam.
31Yoh watée ilée ulôn deungoe su musik geumbira,
jinoe nyang na su ureuëng mo ba-e deungon duka.
Currently Selected:
AYUB 30: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
