AYUB 29
29
Nariet Nabi Ayub nyang keuneulheueh keuhai peukara gobnyan
1Nabi Ayub geupeugah keuhai droe gobnyan, kheun gobnyan,
2“Kira jih udeb lôn jeuet lom lagée yoh awai ilée,
watée Po teu Allah geulindong ulôn.
3UlĂ´n sabe geubri sinulĂ´ng,
geupeutrang watée lôn jak lam seupôt.
4Nyan kheueh uroe-uroe keujayaan ulĂ´n,
watée Po teu Allah mantong krab ngon lôn dan peupayông rumoh lôn.
5Watée nyan Nyang Mahakuasa mantong geudampeng ulôn,
dan aneuëk-aneuëk lôn na bansilingka lôn.
6Beulatang peulara lĂ´n jai that jipeuhase susu.
Jai that minyéuk jipeuhase lé bak-bak zaiton,
bahpi teupula ateueh tanoh meubatée.
7Meunyoe ureuëng-ureuëng patot lam banda geuduek meusajan,
dan ulĂ´n duek laju lamkawan awaknyan,
8jisurot kheueh ureuëng-ureuëng muda,
bagaih that Ăłh ka lheueh lĂ´n kalon awaknyan.
Meunan cit ureuëng-ureuëng tuha geubeudôh ngon hikeumat;
keu geubri horeumat.
9Meunan cit ureuëng-ureuëng rayeuk geupiôh geupeugah haba,
10dan ureuëng peunteng pi hana geupeugah haba.
11Soe mantong hireuen that meunyoe jideungoe keuhai ulĂ´n;
soe nyang kalon ulĂ´n, jipujoe keuhai jasa lĂ´n.
12Sabab, ulôn tulông ureuëng gasien nyang lakée tulông;
ulĂ´n tulĂ´ng yatem ngon meuntui nyang hana bantu.
13Ulôn jipujoe lé ureuëng nyang keubit that sosah,
ulôn tulông inong-inong balée sampoe awaknyan aman.
14Nyang ulĂ´n peubuet nyan jujoe hana meucupa;
ulĂ´n peudong keuadelan dipat mantong na.
15Keu ureuëng buta, ulôn nyoe jeuet keu mata jih
keu ureuëng lapée, ulôn na kheueh gaki jih.
16Keu ureuëng gasien, ulôn na kheueh ayah jih;
keu ureuëng aséng, ulôn na kheueh peumbela jih.
17Teuma kuasa ureuëng keujam, ulôn wiet sampoe patah,
dan keureubeuen awaknyan ulĂ´n peuseulamat.
18Harapan ulôn na kheueh meuteumé umu nyang panyang,
dan maté ngon teunang lam rumoh lôn keudroe.
19Ulôn lagée bak kayée nyang udeb jih suboe dan timoh get,
ukeue jih seb ié dan iémbon jipeubasah cabeueng jih.
20Ulôn sabe jipujoe lé mandum ureuëng,
dan hántom na teunaga lôn meukureueng.
21Ureuëng-ureuëng mandum seungab, meunyoe ulôn teungoh bri naseuhat;
banmandum nyang ulĂ´n peugah awaknyan deungoe ngon mangat.
22Óh ka lheueh ulôn peugah haba, hana le nyang peureulée teutamah;
tutoe haba lôn jitamong lagée ié ujeuen.
23Banmandum ureuëng jisambot tutoe haba lôn deungon peunoh geumbira,
lagée peutani jisambot ujeuen treun watée musém bungöng.
24Ulôn teuseunyum ubak awaknyan watée awaknyan putôh asa;
ié muka lôn nyang bahgia teutamah seumangat awaknyan.
25Ulôn kheueh nyang mat pimpénan,
dan nyang cok mandum keuputĂ´san.
Ulôn pimpén awaknyan lagée raja di teungoh pasokan jih,
dan ulôn peumangat até awaknyan lam keuseudehan jih.
Currently Selected:
AYUB 29: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
