AYUB 31
31
1Deungon sumpah ulĂ´n ka meujanji
aneuëk dara muda hana lôn kalon deungon beurahi.
2Peu kheueh nyang geupeubuet Po teu Allah ateueh geutanyoe?
Pakriban kheueh geubalaih buet manusia?
3Bala dan malang pasti teuka
ubak ureuëng nyang peubuet jeuhet!
4Po teu Allah teupeue banmandum buet ulĂ´n;
geukalon mandum langkah-langkah lĂ´n.
5UlĂ´n meusumpah bahwa gohlom na ulĂ´n peubuet jeuhet;
meunan cit gohlom na ulĂ´n peunget gob.
6Bah kheueh Po teu Allah geutimang ulôn ateueh céng nyang sah,
deungon nyan Gobnyan geuteupeue bahwa ulĂ´n hana meusalah.
7Meunyoe seukira jih ulĂ´n ka meusimpang nibak rot nyang beutĂ´i,
atawa até ulôn teutarek ubak hai nyang kuto,
meunyoe jaroe lĂ´n ka basah deungon desya,
8deungon nyan bah kheueh ureuëng laén jipajoh peue nyang ulôn tabu,
dan banmandum hase bumoe lĂ´n hanco.
9Meunyoe seukira jih ulĂ´n teutarek ubak peurumoh teutangga lĂ´n,
dan deungon musöm-musöm, ulôn luem jihnyan rot likot pintoe,
10deungon nyan bah kheueh peurumoh lôn jitaguen bu keu ureuëng laén;
bah kheueh ateueh peuratah agam laén jihnyan éh.
11Meunyoe desya nyang jeuhet nyan biet na lĂ´n peubuet,
ulôn ka patot lôn teurimong huköman.
12Desya nyan jeuet keubinasa lagée apui neuraka,
banmandum atra ulôn habéh tutông mandum.
13Watée namiet ulôn aloh alah sabab hak jih ulôn peusalah,
ulôn deungoe jihnyan dan lôn peusaneut jihnyan deungon até jujoe.
14Meunyoe hana, pakriban ulĂ´n meuhadab Po teu Allah?
Peue nyang ulôn jaweueb watée Gobnyan teuka geujak peusidang ulôn?
15Bukon kheueh Po teu Allah nyang cebta ulĂ´n,
meunan cit nyang cebta namiet-namiet lĂ´n?
16Gohlom na hana lôntem tulông ureuëng nyang gasien meuseukien.
Atawa lôn peubiyeu inong-inong balée udeb lam keuadaan putôh asa.
17Gohlom na ulôn peubiyeu aneuëk yatem ngon meuntui udeb jih duek,
seudangkan ulĂ´n keudroe seb lĂ´n pajoh.
18Yoh ubit awaknyan lĂ´n peulara;
siumu udeb lôn awaknyan#Keumungkenan that makna jih: siumu udeb lôn … awaknyan. ulôn bimbeng.
19Meunyoe ulôn ngieng ureuëng nyang udeb jih lam kureueng,
lumpah that gasien keu teubloe peukayan.
20UlĂ´n peuliembĂ´t jihnyan mangat seu-uem ngon ija wol nibak bubiri lĂ´n keudroe,
deungon lagéenyan jihnyan jipujoe ulôn deungon sipeunoh até.
21Meunyoe ulôn ka lheueh lôn tindéeh yatem ngon meuntui,
sabab yakén teuma peukara lôn meunang,
22deungon nyan bah kheueh bandua blaih jaroe lĂ´n patah
sampoe jiminah nibak bahĂ´ ulĂ´n.
23Hana ulôn peubuet lagée nyan,
sabab huköman Po teu Allah keubiet teumakot that até lôn.
24Hántom na ulôn peubangga ngon hareuta lôn,
25atawa ulĂ´n peubangga atra keukayaan lĂ´n.
26Hántom na ulôn seumah mata uroe nyang meunan trang
atawa buleuen nyang hu beuble-ble ceudah.
27Hántom na ulôn teugoda lé atra nyan,
atawa ulĂ´n keucob jaroe lĂ´n keu lĂ´n horeumat jih.
28Desya nyang lagéenyan bagoe patôt meuteumé huköman maté,
sabab Po teu Allah Nyang Mahakuasa ka jiiengkeue.
29Gohlom na ulôn meumangat-mangat até sabab musoh lôn meudeurita,
atawa meuduka cita sabab jihnyan meuteumé ceulaka.
30Ulôn hana meudoá keu beumaté musoh lôn;
hántom na ulôn peubuet desya nyang lagéenyan bagoe.
31Ureuëng-ureuëng nyang meubuet bak ulôn jiteupeue,
bahwa soe mantong ulôn peujamé lam rumoh ulôn.
32Rumoh lôn teuhah sabe keu ureuëng teungoh jak;
hántom na ulôn peubiyeu awaknyan jiéh ateueh rot uh.
33Ureuëng laén jisöm-söm desya jih,
teuma ulôn hántom na lôn peubuet lagéenyan bagoe.
34Peue jikheun lé gob hana lôn takot,
dan jihina lé gob, hana lôn pakoe.
Hántom na ulôn tinggai dirumoh dan seungab mantong,
sabab teumakot keu jihina.
35Peu kheueh hana ureuëng nyang jitem deungoe tutoe haba lôn?
UlĂ´n meusumpah bahwa peue nyang lĂ´n peugah beutĂ´i mandum.
Kira jih Nyang Mahakuasa geujaweueb mandum ulĂ´n.
Meunyoe peue nyang jitudoh lé musoh ateueh ulôn
teutuléh mandum deungon nyan geukalon lé lôn,
36teuma deungon bangga ulĂ´n lat bak bahĂ´,
dan sibagoe mahkota ulôn keubah ateueh ulée.
37Teuma ulôn britée ubak Po teu Allah banmandum nyang ulôn peubuet;
teuma ulôn hadab Geuhnyan deungon bangga dan ulée teudong cot.
38Meunyoe seukira jih tanoh nyang ulĂ´n meu-Ăşe ka ulĂ´n cue,
dan ulĂ´n reupah nibak po jih nyang seujati,
39seukira jih hase jih habéh ulôn pajoh,
dan peutani nyang pula nyan ulĂ´n peubiyeu duek,
40bah kheueh kon jeulai atawa gandom nyang timoh lam ladang,
teuma tamah meuduro dan naleueng lakoe.”
Seukian tutoe haba Nabi Ayub.
Currently Selected:
AYUB 31: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
