AYUB 27
27
Nabi Ayub
1-2Nabi Ayub geupeugah lom haba geuh, kheun gobnyan,
“Deumi Allah nyang udeb,
nyang hana geubri keuadelan keu ulĂ´n,
3ulôn meusumpah: Simantong Po teu Allah geubri nafáh keu ulôn,
simantong nyawöng na lam tuboh lôn,
4bibi ulĂ´n hana lĂ´n peugah haba nyang sulet,
lidah ulôn hana lôn peugah tipée daya.
5LĂ© sababnyan, hana lĂ´ntem peugah bahwa droeneueh beutĂ´i;
trok án maté pi teutab ulôn peuteun bahwa ulôn hana meucupa.
6UlĂ´n teutab lĂ´n mumat ubak patuh ulĂ´n,
dan até nurani lôn pih teutab gleh sabe.
7Seumoga musoh ulôn geuhuköm sibagoe nyang doraka,
dan lawan ulôn geuseupôt sibagoe ureuëng doraka.
8Peu kheueh na harapan keu ureuëng dursila
bak watée Po teu Allah geutuntot jiwa jih?
9Peu kheueh Po teu Allah geudeungoe su mo jih
watée keusosahan rhot ateueh jih?
10Nyang sikeubiet jih jihnyan jimeucen that ubak keuseunangan nibak Po teu Allah,
dan meudoá ubak Gobnyan deungon hana meurasa hek.
11Gata teuma lĂ´n peurunoe keuhai padubna rayeuk jih kuasa Allah,
ulôn britée ubak droeneueh keuhai reuncana Nyang Mahakuasa.
12Teuma, gata mandum ka droeneueh ngieng keudroe.
Lé sababnyan, pakon droeneueh bri naseuhat nyang hana meumakna?”
Zofar#Zofar: Nan Zofar hana teupeugah lam teks nyoe, teuma lazem jih bagian nyoe teuanggab sibagoe tutoe haba gobnyan.
13Dan geupeugah kheueh lé Zofar,
“Meunoe kheueh cara jih Po teu Allah Nyang Mahakuasa
geuhuköm ureuëng nyang zalem dan doraka.
14Meunyoe aneuëk jih le, awaknyan teuma maté lam mideuen prang
dan aneuëk cucoe jih teuma udeb sabe hana lam seb.
15Syedara jih nyang mantong na, maté keunong bala,
dan inong-inong balée awaknyan hana jipeuba-e ngon mo nyang gura.
16Jeuet mantong pirak jih meutamon-tamon
dan peukayan jih meususon-suson,
17teuma pirak dan peukayan nyan banmandum
teuma jeuet keu hak milék ureuëng nyang jujoe até jih.
18Rumoh ureuëng jeuhet leumpôk lagée eumpueng rambideuen,#Padub-padubboh teujeumahan kuno: eumpueng rambideuen, Ibrani: ngengat atawa eumpueng cicém.
rumoh sikeujab mantong lagée jambô sidroe tukang jaga.
19Jihnyan jipeureubah droe lagée ureuëng kaya,
teuma hainyan hana hase jiulang#hana hase jiulang, atawa keu nyang keuneuleuh. Ibrani: Awaknyan hana teupeusapat. teuma,
watée jihnyan jibeudôh nibak teumpat éh jih,
ka gadĂ´h dan sapan sapa kheueh atra keukayaan jih.
20Keudahsyatan rhot
lagée ié raya nyang teuka hana teusangka-sangka.
Angén badée óh malam teuka
laju jiyueb dan jitarek jihnyan mangat jijak.
21Angén timu jibeuôt jihnyan,
dan jisampĂ´h jihnyan nibak rumoh jih.
22Jihnyan jipeuron ngon hana rasa gaséh,
dan teupaksa jiplueng jijak mita teumpat meulindong.
23Reubah jih laju jisambot lé gob sira jipéh-péh jaroe;
dipat mantong jihnyan meuteumé peuhinaan.”
Currently Selected:
AYUB 27: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
