AYUB 26
26
Nabi Ayub
1-2Teuma Nabi Ayub geupeugah,
“Keubiet carông that neubri sinulông
ubak ulôn nyang leumoh dan lam payah nyoe!
3Keubiet diet that naseuhat dan ajarannyan
nyang ka droeneueh bri ubak ulôn,
ureuëng nyang bangai!
4Ubak soe kheueh haba droeneueh nyan teutuju?
Soe nyang bri ilham droeneueh keu neumeututoe meunan bagoe?”
Bildad#Bildad: Nan Bildad hana teupeugah lam teks nyoe, teuma lazem jih bagian nyoe teuanggab sibagoe tutoe haba.
5Jaweueb Bildad, “Ureuëng-ureuëng lam álam mawöt yo meugám-gám;
ié dan nyang na disinan yo cit teuma.
6Dikeue Po teu Allah, donya ureuëng maté teubuka,
hana teutôb sampoe deuh teukalon lé Gobnyan.
7Po teu Allah geuleueng langét, di ateueh laôt raya,
dan geugantung bumoe bak ruweueng nyang hampa.
8Geupasoe lam awan ngon ié nyang meulimpah-limpah,
teuma awan nyan hana beukah sabab lé geuhon ié nyan.
9Geusöm ruman buleuen pernama
di meurandeh awan nyang ka geuleueng nyan.
10Geugamba gareh meulingka ateueh muka laôt
keu teupeu aséng trang nibak seupôt.
11Meunyoe Gobnyan geudumpek ngon su nyang meutaga,
taméh-taméh sinumpang langét yo meugám-gám.
12Laôt raya geupeutaklok#Laôt raya geupeutaklok: Nyoe teutunyok ubak calitra kuno nyang teugamba jimeulo laôt ngon Po teu Allah. lé kuasa Gobnyan
dan Rahab#Rahab: Kalon 9:13. pih jipeurunoe lé carông Gobnyan.
13Nafáh Gobnyan teusampôh langét sampoe gleh lagoena;
jaroe Gobnyan geupoh naga nyang rab jiplueng.#Naga nyang rab jiplueng: 9:8.
14Teuma mandum nyan sibagoe tanda kuasa Gobnyan;
teuma haba meusáh-sáh nyang trok bak geulinyueng tanyoe
Padubna nit peungeurtian tanyoe
keuhai Po teu Allah dan hebat jih kuasa Gobnyan!”
Currently Selected:
AYUB 26: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
