Sálmos 4
4
Piradé udaque gajnesṍri u piradedie irajasṍripísi. Ga ore chujé degode cucha jocarãtácho uje ore chirate udaque. David uté ipesudé tu.
1Ujeta yibidi ua ga, be ga achajnai yu, Yudupa Ũrepísi á. Uje cuchárique chácariji yúdode diríca marínga, jecucha basiapome yitijínaquéi ome yu rĩ. Mu be ga osõre yu ga angári yicatecãraitigade udojo ome ua.
2Jnanione uaque á, ¿Cho rique jeta ayáyo achietáyiñome yu, uje uacajnei urásu jeta asíyo yibai? ¿Ga cho rique jeta ayáyo uacacuegode cucha uje que quitique cucha cuse? Uje uacacuegode u purupatáringane gu uje que ũréo.
3Adójnacho uje Pangarádejnai chimesẽre jnani uréone udore ore; adójnacho to uje yibidi Pangarádejnai Dupade ga tangári yu.
4Ujetiga ájningarãque ua, mu ca apésu pisijnaringuei ga bájningai noñaji. Adójnangapísa báyipie quigode uje bagúsi bamochápi gai, ga opise paráguiji uté.
5Beyoi ga ẽchója Pangarádejnai Dupade enga ca taque uaque ome uaquẽratique cucha ome Dupade. Ga anguretáyo Dupade uté ome uaque.
6Jiei ore uje ore chojninga:
–¿Gosi u jne jeta yagutíyangome uté gosi?–
Mu Pangarádejná, ua u ujeta yagutíyangome ua, ga be ga ajire yoqui ome bátegoningáne.
7Ua u uje basíome pirasitígadatéi ome yáyipie. Ga yininaquei uté jnuéngai udore ore irasitigai uje ore chimate dasíquere aja guesi, ga ore ujuya iji trígo, úvadie ore.
8Uje yiterẽta ga jĩraque yimo ¡paque! Yiraja gu, Pangarádejná, uje ua u uje bajuse yio ga que cucha ome yu jeta yĩrijína yejode.
Currently Selected:
Sálmos 4: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
