Sálmos 5
5
Sálmo udaque gajnesṍri u piradedie irajasṍripísi. Ga ore chubúchu deguedie fláuta uje ore chirate udaque. David uté ipesudé tu.
1Pangarádejná, acha bangoninguini aja gadoi, ga angári yujnacade.
2Angári yisagode yiba, uje yutṍri báringai Pátajasṍre ome yu, Yeduguéjna Cuchábi á. Yangaráni Dupá, ua u uje yicatecãraini tupúsu ua.
3Pangarádejná, a jecucha adute yicatecãraitigade gatuaque jne iji durasedie ome ua. Ujeta diri chujé gaté ga jé yisíome yajei jochaquéode ome ua, ga yirote bei ujetiga jĩraque achajnai yu.
4Dupapísi tu ua ga que ese pisijnaringuéone unétique. Uje pisijnaringuéone ipesungórone a ca ore chapídiji barosatique jne.
5Jé aja uje que dicotárechoquíode ore doi ga ore chacája bayaridi uté to. Uje bajnápise cucha gajnaréngone irasisórone.
6Bejna urupatáquechoquíode udore ore ga basídome ore. Ga que acási bejóringome aringácachoquíode udore ore, jé aja udore ore to uje ore chujé dojode ayoré bisideque.
7Mu ome yu ga bejna bajnoraquédatéi aja yu, jecute bajuéga jeta yacája baguíjna cuchábi uté ajei. Ga yirosóñime ua ga jé u uje yichaga yigataidie aja jnumi uje yajia baguíjna puyai uté yui.
8Pangarádejná, o yiquique ome báringai ũré quigode jeta yipésu quigode, ga jé ca yumajosórone udore sué yibai, ga orei yu iji dajeque arégode gatuaque.
9Udore ore etéquetí ũré ome daru quitique. Ga ore áyipiedie iji ore cho dijichuguedie. Ga udore ore uruode uje tṍraji ore pusugúi cho ayoré totique iji dode uje uaté chusaque dejode iji jnumi. Uje aringácachoquí udore ore aréode gu.
10¡Urénga, be ga o bajuñame udore ore, Dupade á! Ajuéga ga udore ore áyipie noñánguenie chinguíra udore ore aja jnumone. Ga ajócãre udore ore gu uje que ore chajire re ome cucha gajnaréngone úringáringo pipesucho, ga ore ichietabáitigade gajnesṍri tupúsu ua.
11Mu apésu ga udore ore jnese nína re uje ore changureta ua ome báringai Parésõre. Ga apésapo rĩ ga udore jecucha ore chijñecare enga ore tibite ome daninaquéode. Ga be ga ãraque udore ore ome cucha dacadode jnese, jeta udore ore jnese uje ore chijnóra bei ueradi uté nína re ome ua.
12Pangarádejná, jecucha bacacãre jnani uréone udore ore ome baru omone. Enga bajnoraquei chaparu bajnorasórone ore gai jnese, ga cho guebetique iji udore ore dosadode ome ore ujórigo ayoré õráchatígo.
Currently Selected:
Sálmos 5: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
