Sálmos 3
3
David ipesudé Sálmo udaque uje chayome dajnacari Absalón nanique.
1Pangarádejná, baraja uje jiei yumajosórone uje ore cho damajo yu. Jiei yujode ayoréo ore uje ore chetaque yu to.
2Ga udore ore chojningame yu:
–A jé ca Dupade chiqueta uté jne.–
3Mu Pangarádejná, bajnui tu guebetique ome yu, uje pichajaque uté iji piquei ome jõcaratátigo ore õrachade. Yingoningájnai garani tu ua. Uje cuchade chácariji yúdode marínga, ua u uje bapesudápo yitijínaquéi rĩ.
4Yinguíra yibijnani aja Pangarádejnai Dupade uté uje yutṍri jeta chátaja yu, ga chajnai yu iji dajogadi iji cucarãte puyai ójo.
5Yiterẽta enga yimo marínga, yĩriji iji direjnímei ga que cuchárique chósi ti iji yu iji yúringai moque. Uje Pangarádejnai chãraque yu gatuaque gu.
6Que yojórique cho jña gotique ome yumajósõre dipeséode uje ore chaparu yibai jeta ore cho dajocaningame yu.
7¡Pangarádejná, be ga átaja yu é! ¡Yangureni Dupá, aqueta yu ome udore ore! Ajé yumajosórone udore ore uredie ¡paque! jne. ¡Amochẽre jnani sijnángone udore ore patarane jne!
8Pangarádejná, gusu ua uje baraja bajmapié ome yocúringáringo piquetacho. ¡Be ga acacãre barasade ore uyoque iji yocuniri udé údode ome baru ueradode!
Currently Selected:
Sálmos 3: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
